Shillong, Oct 21: Shillong songjinmani biap damgittam, chong·motan Keating Road, Kenches Trace aro Laitumkhrah-o petrol bomarang gopretani ja·man East Khasi Hills District Administration, chel·chakanirangko baridapataha.
East Khasi Hills a·jani Deputy Commissioner Abhilash Baranwal-ni u·iatani gitade, ia biap damgittamo petrol bomarang gopretanichi darangba saknaanirangko aro manderangni gam-jinrangba nosto ka·ako man·jaha aro dos dakgipa manderangko rim·na police, CCTV camera-o man·rikgipa sakkirangko niengkua.
Ia a·selrang, waljatchini ja·man pringwalchibarasa ong·aha ine janapatengon, kenchakna nangbatgipa biaprango police dolrangko bang·bate donataha aro re·rurae nirok sandianirangkoba bilakbatataha ine Deputy Commissioner aganaha.
Ia a·selrangna kenjagokjachina aro tom·tomaniko rakkiangchina gitaba Deputy Commissioner, jolo songdongenggipa manderangko didiataha.
The post Shillong-ni biap damgittamo petrol boma gopretani ja·man chel·chakaniko baridapata appeared first on Hub News.