Bu ilin yanvar-sentyabr aylarında Azərbaycan Dövlət Neft Fonduna (ARDNF) "Azəri-Çıraq-Günəşli" (AÇG) və “Şahdəniz” yatağından daxilolmalar 7135,7 mln. manat olub, bu da illik müqayisədə 3,7% çoxdur.
Bu barədə “APA-Economics” Fondun rəsmi məlumatına istinadən xəbər verir.
Xatırladaq ki, örən ilin yanvar-sentyabr aylarında qeyd olunan göstərici 6 880,9 mln. manat səviyyəsində olub.
Fond bildirir ki, hesabat dövründə ARDNF-yə AÇG yatağından 6 570,6 mln. manat, Şahdəniz yatağından (qaz və kondensat) isə 565,1 mln. manat məbləğində vəsait daxil olub.