Hazırda gənclərin xarici ölkələrin nüfuzlu ali təhsil müəssisələrində təhsil almalarına dair Dövlət Proqramı çərçivəsində təhsil alan şəxslər dövlət qulluğuna imtahansız qəbul olunurlar, bu, yerində verilmiş qərar idi.
APA xəbər verir ki, bunu Milli Məclisin bu gün keçirilən iclasında iclasında Dövlət Qulluğu Məcəlləsinin layihəsinin müzakirəsi zamanı parlamentin Hüquq siyasəti və dövlət quruculuğu komitəsinin sədri Əli Hüseynli deyib.
“Bu məsələnin bir hissəsi yeni Məcəllədə əksini tapır. Amma xaricdə təhsil alan şəxslər artıq dövlət qulluğunda irəliləmək üçün müsahibə mərhələlərindən keçəcəklər”, – deyə komitə sədri qeyd edib.