Gipahibalo sa Philippine Tennis Association (Philta) nga dili makaduwa si Filipina tennis ace Alex Eala sa Women’s Tennis Association (WTA) 125 Philippine Women’s Open nga gikatakda karong Enero 2027.
Gipasabot ni Philta Executive Director Tonette Mendoza nga base sa lagda sa WTA, ang top-ranked players dili makaduwa sa usa ka 125 events. Si Eala kasamtangang world ranked No. 19.
Hinuon, nakatakdang mosalmot si Eala sa tulo ka kompetisyon sa Asia sa dili mahuman ang tuig 2026. / ESL