Ýagşygeldi Kakaýew adyndaky Halkara nebit we gaz uniwersitetinde geljek aýda «Ylym-bilim ulgamynda sanly tehnologiýalar, emeli aň we kiberhowpsuzlyk: ylmy-tehnologik ösüşiň häzirki zaman ugurlary» atly utgaşykly görnüşde halkara ylmy-amaly maslahat hem-de sergi, şeýle hem olara bagyşlanan halkara açyk internet-olimpiadasy geçiriler.
Iri forum halkara ylmy hyzmatdaşlygy berkitmäge, ýaşlaryň intellektual mümkinçiliklerini ösdürmäge we Türkmenistanda sanly ykdysadyýeti ösdürmegiň 2026–2028-nji ýyllar üçin Döwlet maksatnamasyny iş ýüzünde durmuşa geçirmäge gönükdirilendir. Çärelere ýurdumyzyň we daşary ýurtlaryň ýokary okuw mekdepleriniň talyplary, ýaş alymlary hem-de mugallymlary gatnaşarlar.
Maslahata gatnaşyjylar bilime emeli aňy ornaşdyrmak, ylmy barlaglary awtomatlaşdyrmak we maglumat ulgamlarynyň kiberhowpsuzlygyny üpjün etmek meselelerini ara alyp maslahatlaşarlar. Talyplar halkara ylymlary we tehnologiýalary uniwersitetiniň sanly platformasynda geçiriljek internet olimpiadasynyň çäklerinde programmalaşdyrmak, algoritmleşdirmek we maglumaty goramak ulgamyndaky bilimini görkezerler.
Bu çäreler toplumynyň geçirilmegi global akademiki gepleşikleri giňeltmekde, tejribe alyşmakda we türkmen ýaşlarynyň ylmy-barlag işjeňligini höweslendirmek ugrunda alnyp barylýan nobatdaky ädim bolar.