Shillong, Risaw 15 : U Symbud Myntri Rangbah ba khmih ia ka kam Pohiing (Police) Bah Prestone Tynsong ha ka sngi Palei ula kyntait ia ka jingdawa ka VPP ba pan jingshai na ka Sorkar Jylla halor ka jingslem ban thung ia ka DGP ba pura, hadien ba ka UPSC kala phah ia ka shithi pynkynmaw ba ar.
“Kaei kata ka jingpynslem ? Lano ba kane ka DGP mynta kan shongthait?” buh jingkylli u Bah Prestone.
Lah ban kdew ba ka Director General of Police ba mynta kong Idashisha Nongrang kan sa shongthait ha u bnai Naiwieng mynta u snem.
Haba kylli ba ka VPP kala kdew ba ka UPSC kala ai ia ka shithi pynkynmaw kaba ar sha ka Sorkar Jylla, u Bah Prestone ula ong “Kampher la ka dei ka UPSC ne ka Ministry of Home Affairs, ngi la bud ia baroh ki kyndon ba dei ban bud. Lada jia ba ki kwah ban tip shuh shuh, Nga kyntu ia ki ba kin wan bad iakynduh ia nga markhmat”.
“Ai ba kin wan bad iakynduh ia nga markhmat. Kam iahap ban shu kren ha ki lad pathai khubor halor kine ki kam Ophis. Lada ki kwah, ym donkam satia ban leit sha ki lad pathai khubor kumne, ai ba kin wan bad iashong ha ka miej iakren, Ngan batai sha ki halor ka jingshisha” ula ong.
Pule ruh : Plie u CM ia ka jingrakhe dap 100 snem ka Rilbong | Pynbna ai grant ba T25 lak
Peit ruh
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
The post Kaei kata ka jingpynslem ? Lano yn shongthait ka DGP ? Buh jingkylli u DyCM ia ka jingdawa ka VPP appeared first on Hub News.