Rerapara, Risaw 20 : U Myntri Rangbah ka Jylla Conrad K Sangma ha ka sngi Ba-ar, ula plie paidbah ia ka building ba thymmai jong ka Rerapara Community & Rural Development Block ha South West Garo Hills bad buh mawnongrim ruh ia ka surok AMPT na Garobadha sha Tura nalor ka jingkieng doi doi ha Samandalgre.Kiba iadonlang ki kynthup ia u MLA Subir Marak, Sanjay Sangma bad Dr Mehtab Chandee A Sangma nalor ki Nokma, ki Heh Ophisar ka District bad na Block lem bad ki nongshongshnong.
U Myntri Rangbah ula pynkup burom ruh ia ka Aking Nokma ka Rerapara namar ka jingai sngewbha ia ka jaka ban tei ia kane ka Ophis ka Block. Ula ai khublei ia ka lem bad ka Shnong namar ka synniang ba kila ai.
Haba ai jingkren, u Conrad ula ong ba ki Block Office ki don ia ka bynta kaba kongsan bha ha ka jingshakri ia u paidbah, haba pynpaw ba bun ki skhim ka Sorkar bad ki jingshakri la pyntreikam lyngba ki block office.
“Ka Secretariat ka lah ban dei ka Ophis ba hakhlieh tam, hynrei ha ka jingtreikam, kaba kongsan eh ka dei ka Block Development Office. Jan baroh ki skhim bad ki jingshakri paidbah la pyntreikam lyngba ki block. Lada ki BDO bad ki nongtrei ki treikam bha, 75% na ki jingeh u paidbah yn lah ban pynbeit” ula ong.
Haba pynkynmaw ia ka rukom long ki Ophis ka Sorkar, u Conrad ula ong ba jan 70% ki ophis ki block ha Meghalaya ki dei kiba treikam na ki iingwai ki bym don satia ia ki jaka treikam kiba biang na ka bynta ki nongtrei.
Ula pyntip ba ka Sorkar kala mang jan kumba T.200 klur ban pynbeit ryntih ia ka synshar khadar bad kyntiew kyrdan ia ki Ophis jong ki Block ha kylleng ka Jylla.
Ula kren ruh halor ki jingpynbha ia kiwei pat ki jingtei kynthup ki jingtei bad jingmaramit ia palat 2000 tylli ki iingskul ka Sorkar, ka jingpynbha ia ki police station bad ka jingshna ia ki jingtei jong ki college ha Baghmara, Williamnagar bad Nongstoin.
Haba khot ialade kum u “Captain ka Kynhun Meghalaya”, u Conrad ula kyntu ia ki nongtrei Sorkar ban shakri ia ki paidbah da ka jingieid, jingtrei hok bad jingaiti lut.
“Buh nyngkong eh ia ki paidbah ha ka jingtreikam jong phi” ula ong.
Ka surok AMPT ba pyniasoh ia ka Garobadha bad Tura, la khmih lynti ba kan pynkhlain ia ki lad pyniasoh ha ri-lum Garo. Ka jingdieng doi doi ha Samandalgre ka dei shibynta jong ka kam ba kyrpang ka Sorkar ban shna ia palat 100 tylli ki jingkieng doi doi ki ban pyniasoh ia ki shnong ba sha kyndong eh ha kylleng ka Jylla.
Pule ruh : Ym sngewpher ba leit iasoh ki 3 ngut ki MLA ka UDP sha ka NPP, ka MDA ka dang skhem : Hek
Peit ruh
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
The post Plie u CM ia ka Rerapara Block Office | Kham kongsan ki Block Office ban ia ka Secretariat appeared first on Hub News.