Shil khasaare nafeed sababay oo ka dhacay duleedka Magaalada Qardho.

Qardho: Warar dheeraad ah ayaa ka soo baxaya shil gaari oo aroornimadii hore ee saaka ka dhacay agagaarka deegaanka Sanjilbe ee Waqooyiga Magaalada Qardho ee xarunta gobolka Karkaar.

Saraakiisha caafimaadka ayaa xaqiijiyey in shilkaasi oo uu sababay burburka gaari nooca raaxada ah ay ku geeriyootey hal haweeney ayna dhaawacyo kala duwan ka soo gaareen saddex ruux oo kamid ah qoyskeeda, kuwaas oo lagu dabiibayo isbitalka guud ee degmada Qardho.

Shilalka gaadiidka ayaa xilli roobaadka siweyn ugu soo batta deegaamada Puntland iyadoo laamaha nabad-gelyada waddooyinka, hay’adda waddooyinka iyo maamullada goboladu ay digniino kala duwan u direen darawallada gaadiidka si loo xakameeyo khatararaha ka dhalan kara shilalka gaadiidka.