Güýzlük sarymsak Türkmenistanyň Daşoguz welaýatynda ösdürilip ýetişdirilýän esasy ekinleriň birine öwrüldi. Şu ýyl bu ekin ýene-de 780 gektar meýdana ekildi. Olaryň iň köp mukdary S. Türkmenbaşy etrabynda (150 gektar) we Garaşsyzlyk etrabynda (140 gektar) ekildi. Soňky ýyllarda welaýatyň daýhanlarynyň ýerli howa we toprak şertlerinde sarymsagy üstünlikli ösdürmekde ýeterlik tejribe toplandygyny bellemek gerek. Olar sebit üçin amatly, ýokary hasylly we kesellere garşy durnukly görnüşlerinidir ýerleri saýlamak, şeýle hem ekinlere ideg etmek üçin zerur oba hojalyk çärelerini öz wagtynda amala aşyrmak arkaly her ýyl gowy netijeleri gazanyp, sarp edijilere ýeterlik mukdarda ýokary hilli önüm berip bilýärler.
Şu ýyl ýerli daýhanlar ýene-de ekilen meýdanyň her gektaryndan azyndan 80 sentner sarymsak ýygnamagy meýilleşdirýärler. Sebitiň köp ýaşaýjylarynyň tagamy we uzak saklanyş möhleti sebäpli bazardan önüm saýlanda, şu ýerde öndürilen sarymsagy satyn almagy makul bilýändigini bellemek gerek.
Sebit köpden bäri ekerançylyk ussatlygy bilen meşhur. Bu ýerde dürli görnüşli oba hojalyk ekinleri ösdürilip ýetişdirilýär. Önümçiligiň uly möçberi sarp edijiler bazaryny ýylyň dowamynda täze miweler we gök önümler bilen üpjün etmäge we elýeterliligi saklamaga mümkinçilik berýär.
Ýygnalan hasyly gorap saklamak üçin, sebitde soňky ýyllarda gurlan dürli maksatly döwrebap sowadyjy enjamlary-da öz içine alýan ýöriteleşdirilen desgalar ýeterlik mukdarda bar.