Oipindi yodoolopa ya Helao Nafidi moshitukulwa shaHangwena neudo otai ka tyapulwa oule woshivike.
Edi oda yelifa kuMayola wodoolopa Darius Shaalukeni.
Mayola okwa holola kutya neudo komafiku okushingifa ova weda koshaashi odula ya dja ko ovanangeshefa okwa li tava tanguna omafiku okungeshefa eshi a li ashike atatu. Shaalukeni okwa ti neudo inava nenepeka ashike omafiku okungeshefa ndele otava ka kala yo vena omhito yovashikingalo va yooloka ovo va teelelwa va ka mwenyeke omaulikilo oipindi e i.
“Natango oha tu ka kala yo tu na ovashingifi va yooloka ovo va teelelwa okukala tava landifa oikulya yomaludi a yooloka,” ta ti. Mayola okwa ti natango endiki lavo loipindi ya Helao Nafidi oli li momudingonoko wa Shikango, odoolopa oyo ili popepi neengaba da Angola.
“Eshi ota shiti otwa teelela ovatalelipo vahapu okudja poushiindalongo omo vamwe ta veya okumwenyeka omanga vamwe ta veya okuyandja omauyelele a yooloka a fimana moshiwana.
Shaalukeni okwa ti oipindi yodula ya dja ko oya li ya fiya ovanangeshefa nomitima da nyemata shaashi ina i ningwa ngaashi vali va teelela.
Okwa yelifa ta ti vahapu ka kwa li va dula okukakala va mana okulandifa oinima yavo ngaashi vali va tengeneka, ashike neudo ove na omhito osho yo efimbo la wana okukala va landifa oinima yavo ngaashi tashi shiivika. Shaalukeni okwa ti omalongekido aeshe otaa ende nawa nova teelela etemo liye momupini.
– taimihaihambo2000@gmail.com
The post Oipindi yaHelao Nafidi ya etako omayulu appeared first on New Era.