TURA: Meghalaya a·dokni gitcham Cabinet Minister Chamberline B Marak, Budbar pringo a·gilsakko watangaha.
Bilsi 80 ong·e janggi tanganggipa Marak sagi, 1990 bilsirango, a·dokni gitcham Chief Minister Salseng C Marak-ni somoio, Indian National Congress (INC)-ni membor ong·e, baditaba changna Bajengdoba Assembly Constituency-ni MLA ong·angaha.
Meghalaya a·doko Congress dolni bilakengmiting somoio ua, Education aro dingtang dingtang department-ni minister ong·e kamko ka·aha.
Marak sagi, 2008 bilsini Assembly election-o bon·kame Bajengdoba constituency-o susaaha indiba ua somoio ua, Nationalist Congress Party (NCP)-ni John Manner Marak-ni jako amako man·rikaha.
2008 bilsini ja·man Marak sagi, election-o susataijahaoba, politics-ni kamrangko jako ra·e ka·angkuaha aro uandaken ua 2019 bilsio National People’s Party (NPP)-o napchotangaha.
Marak sagi, politics-ni kamrangosan ong·aigija, sea jotanirangoba saksa namen gisik nanggipa mande ong·achim aro uni English ku·sikchi seanirang namani gimin uko mingsing minggamachim.
Marak sagi, saksa poedorangko sena gisik nanggipa mandeba ong·achim aro uni janggi tangengmiting somoirango ua ming 85 A·chik poedorang aro ming 35 golporangkoba seaha.
Uni a·gilsakko watangani ja·man, a·dokni Chief Minister Conrad K Sangma aro dingtang dingtang dilgiparangba, kalimpaanirangko parakattokaha.