Shillong, Oct 15: Academic Year 2025-2026-ni Umbrella Post Matric Scholarship-ni gnigipa aro bon•kamgipa bakko Budbar salo, a•dokni Chief Minister Conrad K Sangma, Scheduled Tribe (ST) chatro chatrirangna, Shillong songjinmani St Anthony’s College-o ong•atanggipa program-o watataha.
Ia scholarship-ni tangkarangko watatna program-ko ong•atanio a•dokni Chief Minister, PG Block Biotechnology Department & Bio-Informatics Lab, college campus-o taridapgipa nokrang aro RUSA 2.0-ni ning•o bregipa bosturang baksana Chief Minister’s Skills Mission-ni ning•o kuligipa Computer Lab-koba kulie on•angjolaha.
Ia tom•anio a•dokni Chief Minister, tom•anio bak ra•giparangna aganprakangengon, chatro chatrirangna uni chu•sokatna nangnikbatgipa kamrangoni mingsade scholarship-ko on•anian ong•a aro da•alo 2025-2026 bilsina scholarship-ni tangkarangko watatna man•ahani gimin ua namen kusi ong•a ine aganaha. Chatro chatrirangna scholarship-ni tangkarangko Direct Bank Tranfer (DBT)-na watatna a•bachengengaha ineba Chief Minister parakataha.
Mitam chatro chatrirang, an•tangtangni bank account-rangko Aadhar baksa link ka•kujani gimin ba Public Financial Management System (PFMS)-oni tangka paisarangko sokbakujaengani gimin scholarship-ni tangka paisarangko man•tokkujaenga ineba Chief Minister, talataniko on•angaha.
Scholarship-ko man•na nanggipa chatro chatri sakantian chu•gimik tangka paisarangko man•kujaskal, kamrangko name nirokatchina nangchakegipa department-rangna ge•etaniko on•atengon, chatro chatrirangkoba an•tangtangni bank account-rangko Aadhar baksa link ka•china Chief Minister didiataha.
Scholarship-ni tangka paisarangko, an•tangtangni poraiani kamrangnasan jakkalchina gitaba Chief Minister, chatro chatrirangko didiataha.
Ia Post Matric Scholarship scheme-ni ning•o ma•mong aro a•dok sorkarirang, gong crore 198.43 tangkarangko, bakgni dake ia 2025-26 bilsina watataha. Skanggipa instalment-o gong crore 93.95-oni gong crore 84.55-kode ma•mong sorkarioni aro gong crore 9.40-kode a•dok sorkarioni on•ataha. Gnigipa instalment-o gong crore 104.48-oni gong crore 94.03-kode ma•mong sorkari aro gong crore 10.45-kode a•dok sorkari on•atskaaha.
Ia scholarship-ni bon•kamgipa instalment-o gimik sak 96,801 chatro chatrirang, namgnirangko man•enga.
Na·simang iakoba nina man·gen:
Na·simang iakoba poraina man·gen: District Mineral Foundation-ni ning•o man•gipa tangka paisarangko janggi tangani cholrangko on•na jakkalangkugen: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Umbrella Post-Matric Scholarship-ni tangkarangko CM watata appeared first on Hub News.