Ampati, Oct 20: South West Garo Hills a·jani Anangpara kal·chakramo, gong crore 8.57-ni synthetic football turf-ko tarina gita Mongolbar salo, Meghalaya a·dokni Chief Minister Conrad K Sangma, pangchakanio songe on·angaha.
Iani bidingo social media-o u·iataniko on·angengon, South West Garo Hills a·jao kal·susaanirangko namdapatna gita sorkari, gimik gong crore 60.05-ni mingbonga project-rangko ra·baenga aro ia systhetic football turf-ko tarianiba ia mingbonga project-rangoni mingsa ong·enga ine Chief Minister parakataha.
Ia robol kal·chakgipa biapko tarianichi, South West Garo Hills a·jao robol kal·na gisik nanggipa chadamberang, chubata gadangrango kal·susapana man·na gita an·tangtangko tarina man·gnok ineba Chief Minister parakataha.
The post SWGH-o synthetic football turf-ko tarina CM pangchakaniko songa appeared first on Hub News.