Belçikanın Moskvadakı səfiri Rusiya Xarici İşlər Nazirliyinə çağırılıb.
APA-nın Moskva bürosunun məlumatına görə, bu barədə Rusiya XİN açıqlama yayıb.
Bildirilib ki, rəsmi Moskva Belçika rəhbərliyinin Rusiyadan qaynaqlanan hibrid, təxribat və birbaşa hərbi təhdidlərlə bağlı iddialarını rədd edir.
Rusiya XİN Belçikanı qarşıdurmanın kəskinləşməsinə və vəziyyətin nəzarətdən çıxması riskinin artmasına səbəb ola biləcək Rusiya əleyhinə ritorikasını yumşaltmağa çağırıb.