Xukuumadda Firdhiye oo sheegtay inay Waqooyi Bari soo weerareen kooxo baad raadinaya.

Xukuumadda uu hoggaamiyo Cabdulqaadir Axmed Awcali ee Waqooyi Bari Somalia ayaa si adag uga hadashay gedoodka uu sameeyey Madaxweyne ku-xigeenka Maamulkaasi Cabdirashiid Yuusuf Jibriil, oo ay ku eedaysay inuu laaluush siyaasadeed ku raadsanayo mansabkiisa & xilka uu ku fadhiyo.

Wasiirka Warfaafinta Maamulka Waqooyi Bari Somalia Muniir Cismaan oo si dadban ugu jawaabey Abwaanka iyo dhinacyada taageersan ayaa sheegay in jiritaanka maamulkaasi aan lagu wiiqi karin buuq iyo damac siyaasadeed, isagoo ku dooday in lagu dhisay midnimo, sharci iyo rabitaanka bulshada.

“Dowladda laguma wiiqi karo buuq iyo damac ay riixayaan kooxo doonaya laaluush siyaasadeed. Dowladda Waqooyi Bari waxaa lagu dhisay midnimo, sharci iyo rabitaanka bulshada. Mana jirto cid bulshada Waqooyi Bari ku handadi karta inay ka dumin karaan dowladnimadooda,” Ayuu yiri wasiir Yiri Muniir Cismaan.