Tura, Oct 15: Electoral Roll-rangko taripilanio, niamrangko ja•rikja ine matnangenba, Chief Election Commissioner (CEC) Gyanesh Kumar-ko kam watchina dabie Bristibar salo, Congress dol, Tura-o jinma re•jomaniko ong•atangaha aro ia re•jomanio, Congress-na kam ka•enggiparang sak 100-na baten bak ra•angtokaha.
Ia re•jomaniko, Meghalaya Congress aro West Garo Hills District Congress Committee (DCC) ong•ataha aro ia re•jomaniko Congress dolni dilgipa Zenith Sangma dilangaha.
Jinma re•jomaniko Tura-ni Congress Bhawan-o a•bachengate, DC Office aro Tura Bazar gita ong•atangaha aro ia re•jomanio Congress membor-rang, CEC Gyanesh Kumar-ko kam watchina dabiangtokaha.
Ia jingjengatanio Zenith Sangma aganprakengon, Election Commission-ni kamrangara, a•songni niam bidikkon pe•ani ong•enga ine CEC Gyanesh Kumar-ko ra•galchina dabiangaha.
Uko ra•galjagenchimoba ua an•tangan kamko watna nanga ineba Sangma dabiangaha.
Election Commission-ni ong•gija dakgipa kamrangni gimin manderangna u•iatnasa ia jinma tom•bimonge re•jomaniko ong•ataha ine parakatengon, iandakgipa kamrangna a•songni manderang jrip donggenchimode mikkangchi a•songna namjabata obostarang sokbanaba gnang ine Sangma mikrakataniko on•angaha.
Election Commission-ni Special Intensive Revision (SIR)-ko ka•engani gimin janapatengon, ia kamkode Congress jegalenga ong•ja maina batanggimin somoirangoba maming jegalani grian ia kamko name chu•sokataha indiba da•alo Election Commission-ni kam ka•ani bewalrang namjani a•sel, a•songo songdongkame dilgipako seokanio bak ra•jringenggipa manderangni bimingrangkon den•galengaha ine Sangma matnangataha.
Chief Election Commissioner Gyanesh Kumar, kamtangko watna jechakgenchimode Congress, jingjengatanirangko dakangkuaigen ineba Sangma parakataha.
Na·simang iakoba nina man·gen:
Na·simang iakoba poraina man·gen: Rilbong-ni bilsi 100 gapani manianiko CM a•bachengate on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Chief Election Commissioner-ko kam watchina dabie Tura-o Congress re•joma appeared first on Hub News.