Guwahati, Oct 18: Git ring·anina mingsing minggamako man·gipa Zubeen Garg-ni sianina matnangako man·gipa mande sakgni, chong·motan Amrit Prabha Mahanta aro Sandipan Garg-na jamin on·ahani gimin Gauhati High Court-ni raiko ra·bie Assam Police-ni Criminal Investigation Department (CID), Supreme Court-o badi ka·doskana tik ka·angaha.
CID-ni Special Director of Police aro Special Investigation Team (SIT)-ni dilgipa Munna Prasad Gupta-ni Robibar salo parakatani gitade, Gauhati High Court-ni bail order-rangko name nipiltaie, ukilrangni ku·pattie on·aniko ra·ani ja·man, ia mande sakgnina jamin on·aniko Supreme Court-o ra·bina CID tik ka·angaha.
Puja chuttini ja·man kacharirangko kulipilahaon CID, Supreme Court-o badi ka·anggen ineba Gupta, Guwahati songjinmani CID headquarter-o kobor ra·timgiparangna parakataha.
The post Zubeen Garg-ni case-o mande sakgnina jamin on·ani gimin SC-o badi ka·skagen appeared first on Hub News.