Tura, Oct 17: Sukrobar salo, World Food Day-ko maniani bak gita be·enna namgniko on·gipa cha·ani, pangkamgipa game ge·e cha·ani aro jolni dake rike cha·giparangko ra·dona miksonganio Tura-o skanggipa changna Food Fest-ko ong·atangaha. Minutiae, ia Food Fest-ko The Night Fair baksa apsan nangrime “Innovative Today. Nourish Tomorrow” ingipa katta bichongni ning·o Sora Complex-ni mikkangchakgriko donggipa Sierra Motors Garage-o ong·atangaha.
Ia manianiko ong·atanio jolni game ge·e cha·giparang, cha·ani tarigiparang aro jaktangchi bosturangko tarigiparangna uamangni bosturangko ra·dona man·a gita cholrangko on·a ge 30 mangni gita dokkanrango uamangni game ge·e man·gimin gital gital bosturang, jolo man·gipa cha·ani ringanirang, samgri ge·gimin bosturang aro jaktangchi tarigipa bosturangko mesokangaha. College of Community Science-ni Food and Nutrition Department-chi chalaigipa Nutrition Awareness Booth-o be·en bimangna namgniko on·gipa cha·ani ringani gamchatani bidingo skie on·angskaaha.
Rangsakona-ni MLA Subir Marak, ia tom·anio bakko ra·angan baksana pala sim·aniko dakgipa aro game ge·giparang baksa agan-golpogrikaniko dakangaha. Ua sakanti manderangan mongsongbate bi·sarang, be·enna namgniko on·gipa cha·ani rangani gimin u·ie ra·na nangchongmota ine aganangaha. Bang·bata bi·sarangan be·enna namgniko on·gipa cha·ani ringani gimin chu·onga gita u·iani dongjani a·sel junk food ba a·palo man·gipa cha·anirangko cha·bata ineba ua agandapangkuaha.
Ia Food Fest-ko ong·atani miksonganiara jolo game ge·e cha·giparang aro bading chiwale cha·giparangna uamangni bosturangko bregiparangna palatna dakchakaniko on·anian ong·a ine ong·atgipa dolrang aganengon, ian game ge·e cha·anina chakpaaniko on·a, cha·ani galaniko komiatna aro malnutrition ba be·enna chu·onga gita cha·ani ringaniko man·gija saaniko champengna miksonganiba ong·a ineba uamang agandapangkuaha.
Ia manianiko ong·atanio jolo git ring·giparangni git ring·mesokani baksana 7 United Photography Challange aro Tambola kal·anio chegiparangkoba parakatjolaha.
Tura Food Fest-ko ong·atgipa dol Minutiae-ni Moreno aro The Night Fair-ni Imtila Jamir aro Joey Felix Cheran, uamang mikkangchi bang·bata game ge·e cha·giparang aro bading chiwalgiparangko rimbana miksongenga ine u·iataha. Uamang game ge·e man·gimin bosturang, cha·ani ringaniko tarie palgiparang, jatni cha·rong bewal cha·anirangko tarigiparang aro jolo changgipa sapgiparangko ra·dona bilsiantin Tura Food Fest-ko ong·atanggen ine parakataha.
Na·simang iakoba nina man·gen:
Na·simang iakoba poraina man·gen: CMYEP-ko matchotatanio CM bak ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Tura Food Fest, jolo game ge·e cha·giparang aro dake rike cha·giparangni bosturangko mesokna cholrangko on·anga appeared first on Hub News.