Guwahati, Oct 25: Sonibar salo, chang 53-gipa ‘Nao Khel’ ba ring chosusaaniko Assam a·dokni Kamrup a·jao donggipa Kulshi chibimao ong·ataha aro ia ring chosusaaniko nina hajalni hajal manderang, ua biapona tom·chimongbatokaha.
Ia ring chosusaaniara, Assam a·dokni mingsa dakbewal rikbewal ong·a aro ia ring chosusaanio ro·begipa bolni ringrango, songni nokni manderang, jatni gitcham gitrangko ring·e bak ra·toka.
Ia ‘Nao Khel’ ba ring chosusaaniko Kulshi Youth Club ong·ataha aro Kulshi Youth Club-ni president Pradeep Rabha-ni u·iatani gitade, ia ring chosusaaniko 1973 bilsio Kulshi songni manderang a·bachengataha.
A·bachengode ia ring chosusaaniko, Lakshmi Puja-ko maniani somoiosa ong·atrongachim indiba ja·mano manderangni mol·molanirangko man·ahani gimin ia ring chosusaaniko, bilsiantian Kulshi Youth Club jako ra·e, Lakshmi Puja-na skangan ong·atskaenga ineba Rabha aganaha.
Ia bilsio gimik dol 10 ring chosusagiparang bak ra·angaha aro ring chosusaanio, Ratanpur songni Ma Lakhimi dol skanggipa ong·e, gong 20,001 tangka baksana trophy-ko boksis dake man·aha. Jarapara songni Aashirwad dol gnigipa biapko man·skaenba, gong 15,001 baksana trophy-ko boksis dake man·angskaaha.
Ia ring chosusaanio, Palashbari-ni MLA Himanshu Shekhar Baishya, Rabha Hasong Autonomous Council-ni Executive Membor Rama Kanta Rabha aro dingtang dingtang dilgiparangba bak ra·angtokaha.
The post Assam-ni Kulshi chibimao chang 53-gipa ‘Nao Khel’-ko ong·ata appeared first on Hub News.