Dowladda Federaalka Soomaaliya ayaa liiska cunaqabataynta maaliyadeed ku dartay magacyada Cabdi Casiis Xasan Maxamed (Laftagareen), Mahad…
13 October, 2026
Dowladda Federaalka Soomaaliya ayaa liiska cunaqabataynta maaliyadeed ku dartay magacyada Cabdi Casiis Xasan Maxamed (Laftagareen), Mahad Cabdiraxmaan Aadan oo loo yaqaan “Shub” iyo siddeed qof oo kale, sida ku cad dukumenti ka soo baxay Guddiga Qaran ee Ka-hortagga Lacag-dhaqidda iyo La-dagaallanka Maalgelinta Argagixisada (GQKL/LMA).
Liiskaan ayaa waxaa sidoo kale ka soo muuqday Xasan Cabdulqaadir Maxamed, Ibraahim Aadan Cali oo loo yaqaan “Najah”, Xasan Cabdi Maxamed oo loo yaqaan “Ugaas Xasan”, Cabdullaahi Cali Watiin, Cabdifataax Mahad Cabdiraxmaan, Cabdimajiid Mowliid Xasan, Amiin Mad Daruur iyo Abshir Aadan Isaaq.
Maamulka Koonfur Galbeed ee uu hoggaamiyo Sheekh Aadan Maxamed Nuur (Madoobe) ayaa horay Laftagareen iyo xubno katirsan maamulkiisii ugu daray liiska argagixisada, iyagoo ku eedeeyey inay ku milmeen kooxda argagixisada ah ee Alshabaab.