Shillong, Oct 13: Dingtang dingtang class-rango admission-ko ra•taitaina nange chatro chatrirang neng•nikanirangko chagrongna nangengani gimin chatro chatrirangni neng•nikaniko chel•chakna gita Mongolbar salo a•dokni Cabinet, Meghalaya School Education School Complex Rules 2026-ko ra•chakangaha.
Ia niamko ra•chakangani gimin talataniko on•angengon, Meghalaya a•doko lower primary (LP) skulrang dam 9244, upper primary (UP) skulrang dam 2396, secondary skulrang dam 1755 aro higher secondary skulrangde dam 532-san dongskaaiani gimin mitam chatro chatrirangde higher secondary skulrango admission-ko man•jaenga aro skul napani somoion baditaba chang admission-ko ra•na nange, neng•nikanirangko man•engani giminsa chatro chatrirangni neng•nikaniko chel•chakna ia Meghalaya School Education School Complex Rules 2026-ko Cabinet ra•chakangaha ine a•dokni Chief Minister Conrad K Sangma parakataha.
Chief Minister-ni aganani gitade, ia gital niamni ning•o, LP aro UP skulrangko, sambao donggipa secondary aro higher secondary skulrang baksa nodal skulrangni ning•o bak ong•atgen.
Skulrang ia niamko ja•riktelna nanggen ong•ja indiba an•tangtangni skani gita dakna man•aigen ineba ua aganaha.
Na·simang iakoba nina man·gen:
Na·simang iakoba poraina man·gen: Conrad calls infant death unfortunate, says maternal health efforts must be recognised
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Meghalaya School Education School Complex Rules 2026-ko Cabinet ra•chaka appeared first on Hub News.