Hong Kong, Oct 23: October 22 tarikoni October 26 tarikona, Hong Kong Western District-ni St Louis School-o Hong Kong Federation of Don Bosco Past Pupils-ni ong•atenggipa Federation of Don Bosco Past Pupils Asia-Oceanic Congress 2026-o Garo Hills-oniba adita sak manderang re•ange bakko ra•enga.
Ia tom•bimonganiko a•bachengatanio, Hong Kong Federation of Don Bosco Past Pupils-ni president Andrew Yuen, rimchaksoani kattarangko aganangengon, ia tom•bimonganiko ong•atani miksonganiara, an•tangtangna chonbatgipa chadamberang, an•tangtang baksa apsan ong•gipa manderang aro an•tangtangna dal•batgiparang baksa aro Isol baksa agangrikna cholko ra•anian ong•a ine aganaha.
Ia tom•bimonganiko, China Salesians-ni Provincial Fr. Domingo Leong-chi Isolo bi•e a•bachengataha.
Ia tom•bimonganio, World Federation-ni president Bryan Magro, jinmana aganprakengon, ia tom•bimonganina donsogimin ‘Go Further: Safe Spaces’ pangchakani bidingo talate on•angjolaha.
Ia Federation of Don Bosco Past Pupils Asia-Oceanic Congress 2026-o Garo Hills-oniba sakdok membor-rang, East Garo Hills Don Bosco Past Pupils-ni president George S Marak-ni dilanichi bak ra•enga aro Don Bosco-ni gisikko rakkina gita Marak an•tangan ia gitcham chatrorangni, ua biapona re•angani korosrangkoba gamenga.
Ia congress ba tom•bimonganio bak ra•enggipa sakdok membor-rangoni saksade, Tura Don Bosco College-ni Principal Fr Januarius S Sangma ong•a.
Ia Federation of Don Bosco Past Pupils Asia-Oceanic Congress 2026-o gimik damchet a•songrangoni Don Bosco membor-rang bak ra•enga.
The post Hong Kong-o ong•atenggipa Asia-Oceanic Congress 2026-o Garo Hills-oniba bak ra•enga appeared first on Hub News.