У партыі БХД два з’езды. Ці ўдасца Севярынцу і Рымашэўскаму аб’яднацца?

Пакуль палітык Павел Севярынец рыхтуе аб’яднаўчы з’езд Беларускай хрысціянскай дэмакратыі ў Беластоку, іншае крыло арганізацыі ўжо правяло ўласны сход у Варшаве і абрала чатырох сустаршыняў. Адзін з іх – Віталь Рымашэўскі. Ён расказаў «Белсату», у чым паміж дзвюма плынямі застаюцца разыходжанні, якія перамовы вядуць бакі і што перашкаджае аб’яднацца.