Omunyekadi woshilongo mukulu Penehupifo Pohamba okwa xulifa. Okwa li e na omido o78.
Pohamba okwa xulifila moshipangelo konooli yoshilongo Olomakaya.
Omonamati Waldheim Shiluwa okwa koleka efyo laye koThe Namibian.
“Heeno, oshoshili,” osho a ti ngaho onghela.
Pohamba okwa li omunyekadi woshilongo okudja momudo 2005 fiyo o2015. Okwa ninga omafiku te liyave.
Omunyekadi mukulu okwa popila enghonopeko lovakainhu opo va dule okukufa ombinga meyambukepo loshiwana. Okwa lwila yo edudemo loimbuluma noinima ikwao inai yuka hai ningilwa oomeme.
Pohamba okwa fiya ko omushamane waye, omupresidente mukulu Hifikepunye Pohamba nounona vatano.
Presidente Netumbo Nandi-Ndaitwah okwa yandja omahekeleko aye kofamili yapresidente mukulu Hifikepunye Pohamba sha landula efyo lomukulukadi waye.
Nandi-Ndaitwah okwa ti efyo laye oli luluma kofamili nosho yo koshiwana ashishe koonono.
Minista mombelewa yapresidente Charles Mubita okwa shiivifa efyo eli onghela ponhele yapresidente nepangelo laNamibia.
“Nenyeme linene, ponhele yapresidente Netumbo Nandi-Ndaitwah noRepublika yaNamibia, ohandi shiivifa pambelewa efyo lomunyekadi wetu mukulu, omufimanekwa meme Penehupifo Pohamba, momafiku 17 Oktoba 2026,” Mubita ta ti.
Okwa ti omayakulo a yandjwa kuPohamba monghalamwenyo yaye otaa kala alushe nokudimbulukiwa.
Mubita okwa ti oshiwana otashi lili omukainhu oo a kufa ombinga mondjokonona yaNamibia, ta weda po kutya efyo laye ola kuma oshilongo neenghono.
Omunyekadi woshilongo mukulu okwa longa pamwe nomushamane waye pefimbo a li koshipundi okudja momudo 2005 fiyo 2015.
The post Omunyekadi mukulu Penehupifo Pohamba a xulifa appeared first on The Namibian.