Bu ilin sentyabr ayında qlobal gündəlik orta neft təklifi əvvəlki ayla müqayisədə 2,5 milyon barel artaraq 102,3 milyon barelə çatıb.
"APA-Economics" xəbər verir ki, bu barədə Beynəlxalq Enerji Agentliyinin (IEA) oktyabr hesabatında bildirilib.
Hesabata əsasən, “OPEC+” ölkələrinin qlobal gündəlik orta neft təklifi 2,1 milyon barel artıb. Bu artımda əsas pay Səudiyyə Ərəbistanına məxsus olub. “OPEC+” razılaşmasına daxil olmayan ölkələr arasında isə artıma ən böyük töhfəni Birləşmiş Ərəb Əmirlikləri verib.
Bununla yanaşı, Fars körfəzi regionunda hücumların yenidən intensivləşməsi neft tədarükünün bərpasını kövrək vəziyyətdə saxlayır.
IEA-nın proqnozuna görə, 2026-cı ildə qlobal gündəlik orta neft təklifi 5,8 milyon barel azalaraq 100,7 milyon barelə düşəcək. 2027-ci ildə isə göstəricinin 7,7 milyon barel artacağı gözlənilir.
Xatırladaq ki, “OPEC+” OPEC və təşkilata daxil olmayan ölkələri əhatə edən neft istehsalının azaltması (bazarı tarazlamaq məqsədi ilə - red.) üzrə təşəbbüsdür. Azərbaycan da “OPEC+” razılaşmasının iştirakçısıdır.