Hambeleleni Daniel
Ngoloneya woshitukulwa shaShana Hofni Iipinge oshivike sha dja ko okwa yandja oilongifa younamapya kovakalimo vomOkatyali.
Oilongifo ya yandjwa otai ka kwafa ovakalimo opo va tote po oproyeka yavo younamapya momudingonoko wavo.
Oilongifo ya yandjwa ongaashi eepaipi domeva, oushina, odalate naikwao ya wedwa po yongushu yoshimaliwa shi fike pomiliona N$1.
Ngoloneya okwa holola kutya ekwafo e li okwe li yandja opo ku shunifwe pedu omhumbwe yoikulya moshitukulwa, okulonga oikulya kuvo vene opo va dule okulandifa noku li monena mo oyuuyemo.
Iipinge okwa weda po yo kutya elalakano ovakwashiwana va kale ve na oukolele ngeenge tava li moihape nomoingumutulu efiku keshe. Oproyeka e i oya tengeneka eteyo layo lotete li ka kale ko petameko la Decemba neudo. Ngoloneya okwa ti oproyeka e i oya teelelwa natango i ka yadje oilonga movakalimo vomomudingonoko waKatyali osho yo okuyambula po omudingono.
Okwa ti oproyeka e i oyo yotete a yandja okudilila mombelewa yaye.
Natango okwa ti i na hala oshitukulwa shaye shi kale ashike sheli kololela moikulya oyo haidi kondje yoshilongo ashike okwa hala va kale veli fikamena po vo vene.
Ngoloneya okwa kunghilila ovakalimo vomOkatyali va longe noudiinini opo veke li kolesha sha kola kexulilo lodula.
“Oshikunino eshi oshe ni, onghene longeni ngaashi tamu longo oshinima sheni vene, mu he na ou tamu longele ,hano i na mu linwa po nyeevene,” Ngoloneya ta kumaida.
Umwe womovakali vomomukunda Okatyali Priscilla Kokule okwa ti okwa pandula ngoloneya eshi e na oshisho navo.
Kokule okwa pula ngoloneya opo eheva pilamene ngeenge tava ka pumbwa vali ekwafo kuye. Okwa ti okwe lineekela kutya oshikunino eshi otashi ka eta mo elunduluko meenghalamwenyo davo.
Nestory Nikanor naye okwa holola olupandu nokwa pula ovaleli aveshe va kale tava kwafa oshiwana.
-hambelelenindaniel56@gmail.com
The post Iipinge a yandja oilongifo younamapya kOkatyali appeared first on New Era.