Ganacsade Liibaan Axmed oo loo doortay hoggaamiyaha Maamulka Galmudug.

Xildhibaanada barlamaanka Maamulka ayaa maanta Liibaan Axmed Xasan (Lii-power) u doortay hoggaamiyaha maamulkaasi ee shanta sano ee soo socota kadib doorasho ka qabsoontay Magaalada Dhuusamareeb ee caasimadda Maamulka Galmudug.

Liibaan Axmed Xasan ayaa ku guuleystay doorashada isaga oo helay 72 cod, halka musharraxii la tartamayay ee Cabdulqaadir Cabdullaahi Diiriye, uu helay 14 cod, iyadoo saddex kamid ah codadkii la dhiibtay ay hallaabeen, sida ay sheegeen guddiga doorashooyinka.

Natiijada doorashada waxaa ku dhawaaqay Guddoomiyaha Golaha Wakiillada Galmudug, Mudane Xuseen Maxamed Nuur, kaas oo si rasmi ah u shaaciyay tirada codadka ay kala heleen musharraxiinta.