Shillong, Risaw 15 : U Executive Member ba khmih ia ka Elaka Bah Denzil Chen ha ka sngi Palei ula ban jur ba ka Executive Committee ka Voice of the People Party (VPP) kam don jingthmu ban pyntlot ia ka bor jong ki Khlieh Nongsynshar, bad ka bud thik ia ki nongrim ka jingbishar hok haba rai ia ki kam Elaka.
Haba jubab ia ka motion bala wanrah da u Nongialam ka Liang Pyrshah Bah Titosstarwell Chyne halor ka polisi ka EC ha ka sngi ba kut ka Dorbar ka KHADC, u Bah Chen ula ong ba Elaka Administration ne ka jingpyniaid ia ki Elaka kam dei eh tang ka shnat pyniaid kam hynrei ka dei ka rukom synshar khadar tynrai u Khasi.
Ula bynrap “Kane ka EC ka sngewthuh ia ka jinglong kyrpang bad jinghap phukor bha kumba ong u LO, bad kam don satia ia kano kano ka jingthmu ban pynjot, pynthut lane pynduna ia ka bor jong ki Syiem, Lyngdoh, Sirdar bad ki Dorbar Shnong. Kine ki kam ki iatakhuh bad ka riti dustur, ka jingai pateng, ka jingithuh ia ka hok bad ka rukom im ki briew hapoh ki elaka”.
U Bah Chen ula ong ba ka EC kam ju tuklar ia ki kam ki Hima. “Ngim mynta ngim ju tuklar leh ia ki kam kiba hap hapoh ki Hima lane Dorbar Shnong hynrei lada kum kine ki kam ki wan sha ka District Council ban ioh ia ka jingithuh, elekshon, jinghiar pateng ne iakajia, kane ka EC ka shong bishar bha bad shim ia ka rai kat kum ka riti dustur bad ka ain” ula ong.
Haba thalain ia ka jingkynnoh ka Liang Pyrshah ba ka Council kala shah rem haki mukotduma ha Iingkashari High Court, u Bah Chen ula ong ba ka jingpdiang ia ka mukotduma kam mut satia ba shah rem.
“Ki don ki jingiakren ba kane ka EC ka don bun tylli ki mukotduma, ba haba poi ha Highcourt kila shah rai pynrem. Nga kwah ban ong- u dei u dieng ba bun soh ba ki briew ki kawang maw ia u. Ka jingdon bun ki case kam mut ba ngi leh bakla” ong u Bah Chen.
Halor ki jingkynnoh ba wan iakhih ki paidbah pyrshah ia ka EC, u Bah Chen ula ong ba ki jingiakhih ka dei kaba la aibor kat kum ka riti synshar ka ri.
“Ki ong ba bun ki wan ban iakhih hapoh KHADC. Ngam ngeit ia kane. Haba ngi shim rai halor ki elaka ngi da bishar bniah bha. Ki don ki jingkynnoh ba ngi leh shiliang, Nga nud ban ong ba kane ka EC ka bud ia ka nongrim ka jingbishar hok. Ngi pynthikna ban ai show cause, pynthikna ia ka jingbishar, bud pyrrkhing bha ia ki Act” ula ong.
Pule ruh : Plie u CM ia ka jingrakhe dap 100 snem ka Rilbong | Pynbna ai grant ba T25 lak
Peit ruh
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
The post Ka EC ka VPP kam don jingthmu ban pyntlot ia ka kor ki Khlieh Nongsynshar : EM appeared first on Hub News.