Shillong, Oct 13: Meghalaya a•dokko man•chape salgro salaram jol gimikon namroro silroroaniko ra•bana gita dakchakanirangko on•enga ine Mongolbar salo, Meghalaya Cabinet, a•songni Prime Minister Narendra Modi-ko mittelpile dingtangmancha resolution-ko pass ka•angaha.
Iani bidingo talataniko on•angengon, ma•mong sorkarini ra•gatgipa scheme-rang, mongsongbate, ringani chi, nok rikani, rama jal•lang, kam ka•e cha•ani chol, an•seng baljokani aro jatni daka rikanirangko ripinganio salgro salaram jolo songdongenggipa manderangni janggi tanganio dingtanganiko ra•baahani gimin a•songni Prime Minister Narendra Modi-ko mittelpilna gita Cabinet, ia resolution-ko pass ka•aha ine Meghalaya a•dokni Chief Minister Conrad K Sangma parakataha.
Viksit Bharat-ni mongsonggipa bak gita Meghalaya a•dokko tang•doatna a•dok sorkari, ma•mong sorkari baksa nangrime kamko ka•angkuna ku•rachakenga ineba Chief Minister aganaha.
Songadam nokadamrango namroro silroroaniko ra•bana ma•mong sorkarini ra•gate on•gipa scheme-rangni gimin janapatengon, Mahatma Gandhi National Rural Employment Guarantee Act (MGNREGA), Deendayal Antyodaya Yojana–National Rural Livelihoods Mission (DAY-NRLM) aro uandakgipa dingtang dingtang scheme-rangchi, bang•a nokdangrangnan janggi tangani cholrangko on•na man•aha ine Chief Minister parakataha.
PM-KISAN scheme, Pradhan Mantri Fasal Bima Yojana aro uandakgipa scheme-rangchi game ge•e cha•giparangna bang•en namgniko ra•bana man•aha ineba ua aganaha.
Manderangna an•seng baljokaniko on•ani bidingo janapatskaengon, 2020 bilsi dipet ma•giparangni an•pakani somoio siani 57 percent-chi komiangaha aro bi•sa bakgitchakrangni sianiba da•o namen komiangaha ine Sangma aganaha.
Prime Minister’s Development Initiative for North East Region (PM-DevINE)-ni ning•o gong crore 773.92-ni mingsni project-rangko ra•gate on•aha ineba ua aganaha.
Adita salrangna skang, Delhi-o ong•atanggipa GST Council-ni tom•anio uni bak ra•egipani giminba Chief Minister, kobor ra•timgiparangna talatanirangko on•angaha.
Meghalaya a•doko gnigipa IT Park-ko kulina sienggipani bidingo janapangengon, ia gnigipa IT Park-o United States (US), Europe aro dingtang dingtang jolni company-rang, kulina nangnikenganiko parakaha aro ia gnigipa IT Park-ko kulianichi ming 22,000 kamrangko nakatate on•na ka•dongsoenga ine Chief Minister aganaha.
Lekka porako namdapatani, bading chiwalani cholrangko on•ani aro koela bikotaniko a•bachengpiltaina sorkarini ka•enggipa kamrangni giminba Chief Minister, kobor ra•timgiparangna agan-talate on•angaha.
Na·simang iakoba nina man·gen:
Na·simang iakoba poraina man·gen: New York airport-o Muhammad Yunus ingrimako man•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Namroro silroroanina PM Modi-ko mittelpile M’laya Cabinet resolution-ko pass ka•a appeared first on Hub News.