Shillong, Oct 15: Nongstoin-o Synod College-ni gital building-ko Bristibar salo, Meghalaya a•dokni Chief Minister Conrad K Sangma, nokdonggae on•angaha aro ia college building-ko nokdonggae on•anio, Minister Methodius Dkhar, MLA Gabriel Wahlang aro MLA RG Momin-ba dongpae bak ra•angaha.
Ia tom•anio a•dokni Chief Minister, college library aro smart classroom-rangkoba kulie on•angjolaha.
Ia college building-ko nokdonggae on•anganio a•dokni Chief Minister, tom•anio bak ra•giparangna aganprakangengon, lekka poranian, songsalko re•mikkangatanio mongsonggipa bak ong•ani gimin a•dok sorkari, batanggimin bilsichetni gisepo a•doko lekka porako tang•doatna rakbee kamrangko ka•aha ine aganaha.
Meghalaya a•doko dam 14,000 skulrang dongachim indiba ia skulrangko da•o dam 11,500 skulrango nangdimatna man•aha ineba Chief Minister aganaha.
2018 bilsina skangde a•doko sorkari technical institute-rang aro college-rang dam 10-mangsan dongaiachim ine janapatengon, batanggimin bilsichetni gisepo Shillong Engineering College, Capt Williamson Sangma State University, Architecture aro Urban Planning College, Shillong Medical College, aro dingtang dingtang biaprango kuligipa Science aro Commerce College-rangko man•chape dam 10 institute-rangko kulidapna man•aha ine Chief Minister parakataha.
Lekka porani kamrangna a•dok sorkari, gong crore 30,000-oniko gong crore 3,500 tangkarangko chamaha ineba Chief Minister aganaha.
Batanggimin ja 12-ni gisepo chatro chatrirangna scholarship-rangko on•ani giminba ia tom•anio Chief Minister janapangaha.
Lekka porani kamrango bang•en on•gilengani gimin ua dingtangmancha Rev SS Majaw aro Presbyterian Mondolikoba mittelpilangaha.
Na·simang iakoba nina man·gen:
Na·simang iakoba poraina man·gen: Chief Election Commissioner-ko kam watchina dabie Tura-o Congress re•joma
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Nongstoin-o Synod College-ni gital building-ko CM nokdonggae on•a appeared first on Hub News.