Shillong, Oct 16: Meghalaya a•dokni skanggipa High Performance Sports Science Centre-ko Sukrobar salo, Meghalaya a•dokni Chief Minister Conrad K Sangma, Shillong-o kulie on•angaha aro ian kal•susaanirango science-ni bewalchi skie on•enba, kal•susaanirangko nambatatanio mingsa ja•ku de•ani ong•aha.
Ia centre-ko Olympic Education Program (OVEP)-na soi ka•engmitingo AFL-ni proposal-ko on•ani ja•man, Olympic-o gold medal-ko man•gipa Abhinav Bindra-chi dilgipa, Abhinav Futuristics Pvt Ltd (AFL) baksa nangrime kuliaha.
Ia centre-ko kuliani bidingo social media-o u•iatengon, sorkarini niksamsoanian, a•dokni kal•susagiparangko, a•gilsako nambatsranggiparang baksa susana gita dingtang dingtang cholrangchi dakchake on•anian ong•enga ine Chief Minister parakataha.
Da•alo pangchakanirangko rike on•anichisa mikkangchi kal•susaanirango changgipa sapgiparang ong•katna man•gen ineba Sangma parakataha.
Ia centre-o kal•susagiparangna dingtang dingtang cholrangchi an•tangtangko tarisamsona gita dakchakaniko on•an baksana kal•susaanirango saknaa man•anirangko chel•chakna aro namatna gita dingtangmancha cholrangba donga.
A•dokni kal•susagiparangko, a•dokni gadango, a•songni gadango aro a•gilsak gimikni kal•susaanirangoba bak ra•atna gita a•dok sorkari, dingtang dingtang program-rangko ra•gatenga.
Na·simang iakoba nina man·gen:
Na·simang iakoba poraina man·gen: M’laya-ni Forest Department Garo Hills-o niamgri chalaienggipa dam 8 Saw Mill-rangko am·sandia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Shillong-o High Performance Sports Science Centre-ko CM kulie on•a appeared first on Hub News.