ДУШАНБЕ, 15.10.2026 /АМИТ «Ховар»/. 15 октябр Сафири Фавқулода ва Мухтори Ҷумҳурии Тоҷикистон дар Давлати Кувайт Хусрав Нозирӣ бо Вазири барқ, об ва энергияи таҷдидпазири Давлати Кувайт Субайҳ Ал-Мухайзим мулоқот кард.
Тавре ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд, дар мулоқот ҷонибҳо ба нақши муҳими Тоҷикистон дар ташаккули захираҳои обии минтақа, имкониятҳои мамлакат дар истеҳсоли неруи барқи обӣ ва саҳми он дар истифодаи ҷаҳонии манбаъҳои тозаи энергияи таҷдидшаванда ишора карданд.
Ҳамчунин, вазъи кунунӣ ва дурнамои густариши ҳамкории мутақобилан судманди Тоҷикистону Кувайт дар соҳаҳои мавриди таваҷҷуҳи муштарак баррасӣ гардид.
АКС: Сафорати Ҷумҳурии Тоҷикистон дар Давлати Кувайт
Октябрь 15, 2026 18:40