Minista wefikopamwe loukashikekokanhu nonghalonawa younona Emma Kantema okwa ti ounona ovo tava popiwa molopota yomuvalulindjai va mona oshimaliwa shi fike peemiliona N$250 manga va koya omido doku shi mona, ove shi mona koshi yomilandu donhumba, mwa kwatelwa okukala mofikola natango.
Olopota yomuvalulindjai yomudo woshimaliwa 2024/25, ngaashi ya lopotwa koThe Namibia, oya mona kutya ovanhu ve li o33 000 ova mona opendjela yeemiliona N$250 aishe kumwe epuko.
Okwa li ta nyamukula komapulo omunapaliamente wongudu yoPopular Democratic Movement Inna Hengari Etivali.
Kantema okwa ti oministeli ohai yandje opendjela keefiye nounona ovo ve li moluhepo, hai yandjwa ngeno kounona okudja pedalo fiyo omido o18.
“Konima yomido 18, oveta oyo i na sha nefiloshisho lounona neameno, oya pitika ounona ovo ve na omido di li pokati ko18 no21 navo va mone she likolelela komilandu donhumba, mwa kwatelwa okukala mofikola,” osho a ti ngaho Etivali.
Kantema okwa ti omulandu ou owa nuninwa okukwashilipaleka kutya ounona ova mona eyambidido va mane elihongo lavo.
Okwa ti oministeli okwa li tai talulula ovo hava mono oimaliwa ei nokuwapaleka omauyelele ayo.
Ovo va dopa okuyandja oumbangi kutya ohava i kofikola ova tetwa mo.
Oshinima eshi otashi lalakanene okukwashilipaleka kutya eependjela otadi yandjwa kovanhu ovo ve na oku di mona.
The post Oimaliwa oya pewa ounona ovo ve li mofikola natango – Kantema appeared first on The Namibian.