Kriptovalyuta bazarında son sutka ərzində əsas aktivlərin hamısında ucuzlaşma qeydə alınıb.
“APA-Economics” xəbər verir ki, “CoinMarketCap” platformasında “Bitcoin”in qiyməti son 24 saatda 0,28% azalaraq 83 209,68 ABŞ dollarına enib. Kriptovalyuta son 7 gündə 2,79% ucuzlaşsa da, son 30 gündə 7,81% bahalaşıb.
“Ethereum” 1,35% ucuzlaşaraq 2 507,20 dollara, BNB 1,07% azalaraq 742,34 dollara, “Zcash” isə 5,53% geriləyərək 1 212,58 dollara enib.
Digər kriptovalyutalarda da mənfi dinamika müşahidə olunub. “Monero” 0,15% ucuzlaşaraq 531,42 dollara, “Bittensor” 5,33% azalaraq 278,55 dollara, “Bitcoin Cash” isə 4,44% geriləyərək 271,66 dollara düşüb.
Qızıl əsaslı kriptovalyutalar da ucuzlaşıb. “PAX Gold” (PAXG) 0,18% azalaraq 4 185,69 dollara, “Tether Gold” (XAUT) isə 0,23% geriləyərək 4 180,77 dollara enib.
“CoinMarketCap 20” indeksi son 24 saatda 1,01% azalaraq 169,28 bənd təşkil edib. “Bitcoin”in bazar kapitallaşması isə 1,67 trln. dollar səviyyəsində qərarlaşıb.
Analitiklər bildirirlər ki, kriptovalyuta bazarındakı geriləmə investorların riskli aktivlərə münasibətdə ehtiyatlı mövqe tutması və əvvəlki bahalaşmadan sonra mənfəətin realizasiyası ilə əlaqələndirilə bilər. Bununla yanaşı, əsas kriptovalyutaların əksəriyyətində həftəlik göstəricilərin mənfi olması bazarda satış təzyiqinin davam etdiyini göstərir.