ДУШАНБЕ, 19.10.2026 /АМИТ «Ховар»/. Имрӯз байни Ҷумҳурии Тоҷикистон ва Ҷумҳурии Мардумии Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид, иттилоъ медиҳад АМИТ «Ховар» бо истинод ба Вазорати нақлиёти Ҷумҳурии Тоҷикистон.
Санади мазкурро Вазири нақлиёти Ҷумҳурии Тоҷикистон Азим Иброҳим ва Вазири тиҷорати Ҷумҳурии Мардумии Чин Ван Вэнтао имзо намуданд.
Дар доираи ин санад ҳамкорӣ байни Ҷумҳурии Тоҷикистон ва Ҷумҳурии Мардумии Чин дар самти рушди долонҳои байналмилалӣ байни ду давлат густариш меёбад. Инчунин тибқи ин санад сохтмони шоҳроҳҳои байналмилалӣ байни ду кишвар, аз ҷумла шоҳроҳи байналмилалии Душанбе- Кулма –Қаросӯ (сарҳади давлатии Чин) ба роҳ монда шуда, ба таҷдиду сохтмони ин шоҳроҳ сармоя ҷалб карда мешавад.
Дар маҷмуъ санади мазкур ба тавсеаи ҳамкории ду давлат дар соҳаи роҳу нақлиёт ва татбиқи ташаббуси Чин – «Як камарбанд, як роҳ» нигаронида шудааст.
Марзия САИДЗОДА,
АМИТ «Ховар»
АКС:АМИТ «Ховар»
Октябрь 19, 2026 17:30
