Türk­me­nis­tan äh­lu­mu­my aba­dan­çy­ly­gyň bäh­bi­di­ne kö­pu­gur­ly gatnaşyklary gi­ňeld­ýär

Ga­raş­syz, ba­ky Bi­ta­rap Türk­me­nis­tan hal­ka­ra gi­ňiş­lik­de mö­hüm baş­lan­gyç­la­ry öňe sür­mek bi­len, Gahryman Arkadagymyz ta­ra­pyn­dan iş­le­nip taý­ýar­la­ny­lan giň ge­rim­li hyz­mat­daş­lyk stra­te­gi­ýa­sy­ny hor­mat­ly Prezidentimiz Serdar Berdimuhamedowyň baş­tu­tan­ly­gyn­da üs­tün­lik­li dur­mu­şa ge­çir­me­gi­ni do­wam et­dir­ýär hem-de se­bit we äh­lu­mu­my de­re­je­de ynam­ly, jo­gap­kär­li hyz­mat­daş hök­mün­de öz ab­ra­ýy­ny bar­ha art­dyr­ýar. Ge­çen hep­de hem döw­le­ti­mi­ziň dur­muş-yk­dy­sa­dy we ru­hy ösü­şi­niň dür­li ugur­la­ry­ny öz içi­ne al­ýan bir­nä­çe mö­hüm da­şa­ry hem-de içe­ri sy­ýa­sy wa­ka­lar bi­len ta­pa­wut­lan­dy.

5-nji okt­ýabr­da türk­men hal­ky­nyň Milli Lideri, Türk­me­nis­ta­nyň Halk Mas­la­ha­ty­nyň Baş­ly­gy Gahryman Arkadagymyz Arkadag şä­he­ri­ne iş sa­pa­ry­ny amala aşy­ryp, tä­ze şä­he­riň gur­lu­şy­gy­nyň ikin­ji tap­gy­ryn­da al­nyp ba­ryl­ýan iş­ler bi­len ta­nyş­dy we de­giş­li ýol­baş­çy­la­ryň gat­naş­ma­gyn­da iş mas­la­ha­ty­ny ge­çir­di.

Arkadagyň ru­hy met­ji­di­niň gur­lu­şy­gy­na we be­zeg iş­le­ri­ne, da­şa­ry ýurt dil­le­ri­ne ýö­ri­te­leş­di­ri­len mek­de­biň hem-de ça­ga­lar ba­gy­nyň synp otag­la­ry­nyň, luk­man­çy­lyk klas­te­ri­niň döw­re­bap en­jam­lar bi­len üp­jün­çi­li­gi­ne, onuň çä­gi­ni ba­gy-bos­san­ly­ga öwür­mä­ge, şeý­le hem ozal ber­len mas­la­hat­la­ra la­ýyk­lyk­da iş­le­nip taý­ýar­la­ny­lan sport top­lum­la­ry­nyň di­zaýn taslamalaryna aý­ra­tyn üns çe­kil­di.

Bel­le­ni­li­şi ýa­ly, «akyl­ly» şä­her kon­sep­si­ýa­sy esa­syn­da bi­na edi­len tä­ze şä­he­riň öz­bo­luş­ly bi­na­gär­lik aý­ra­tyn­lyk­la­ry, ýo­ka­ry eko­lo­gi­ýa de­re­je­si we ýa­şa­ýyş jaý­la­ry­nyň müm­kin­çi­lik­le­ri, şä­he­riň yşyk­lan­dy­ryş ul­ga­my döw­rüň ösen ta­lap­la­ry­na mah­sus de­re­je­de bol­ma­ly­dyr. Şeý­le hem tä­ze şä­he­riň tö­we­re­gin­dä­ki bag­lyk­la­ryň meý­da­ny­ny gi­ňelt­mek we mi­we­li bag­la­ryň gör­nüş­le­ri­ni kö­pelt­mek bel­le­nil­di.

Arkadag şä­he­ri­niň gur­lu­şy­gy­nyň ikin­ji tap­gy­ry­nyň açy­lyş da­ba­ra­sy­na, Sag­ly­gy go­ra­ýyş we der­man se­na­ga­ty iş­gär­le­ri­niň hü­när baý­ra­my my­na­sy­bet­li da­ba­ra­la­ra hem-de beý­le­ki uly baý­ram­çy­lyk çä­re­le­ri­ne, hu­su­san-da, tä­ze jaý­la­ryň eýe­le­ri­ne аçar­la­ry gow­şur­mak da­ba­ra­la­ry­na ýo­ka­ry de­re­je­de taý­ýar­lyk gö­rül­me­li­di­gi bel­le­nil­di.

Ha­ty­ra gü­nü­niň öňü­sy­ra­syn­da amala aşy­ry­lan sa­pa­ryň do­wa­myn­da ha­jy Arkadagymyz Arkadagyň ru­hy met­ji­di­ni, sa­da­ka be­ril­ýän bi­na­ny we gur­lu­şy­gy do­wam ed­ýän med­re­sä­ni göz­den ge­çir­di hem-de ola­ryň aba­dan­laş­dy­ry­ly­şy­ny we be­zeg iş­le­ri­ni ys­lam di­ni­niň ka­da­la­ry­na la­ýyk­lyk­da ge­çir­me­giň ze­rur­dy­gy­ny nyg­ta­dy.

Arkadagyň ru­hy met­ji­di­niň baş yma­my öten-ge­çen­le­ri­mi­ziň ru­hu­nyň şat, ýur­du­my­zyň aba­dan­çy­ly­gy­nyň, hal­ky­my­zyň bag­ty­ýar dur­mu­şy­nyň ber­ka­rar, ha­jy Arkadagymyzyň we Arkadagly ha­jy Serdarymyzyň jan­la­ry­nyň sag, ömür­le­ri­niň uzak bol­ma­gy­ny, be­ýik mak­sat­la­ry na­zar­la­ýan ýag­şy iş­le­ri­niň ro­waç­lyk­la­ra bes­len­me­gi­ni Be­ýik Bi­ri­bar­dan di­leg et­di.

6-njy okt­ýabr­da hor­mat­ly Prezidentimiz Serdar Berdimuhamedow paý­tag­tymyzda­ky «Halk ha­ky­da­sy» ýa­dy­gär­lik­ler top­lu­myn­da ge­çi­ri­len gül goý­mak ha­ty­ra çä­re­si­ne gat­naş­dy.

1948-nji ýy­lyň Aş­ga­bat ýer­tit­re­me­sin­de gur­ban bo­lan­la­ryň ýag­ty ýa­dy­gär­li­gi­ni ha­ty­ra­lap, şeý­le hem Wa­tan go­ra­gyn­da sö­weş meý­dan­la­ryn­da we­pat bo­lan gahrymanlary ýat­lap, döw­let Baş­tu­ta­ny­myz «Ru­hy tag­zym», «Mil­le­tiň ogul­la­ry», «Ba­ky şöh­rat» ýa­dy­gär­lik­le­ri­ne gül çe­men­le­ri­ni goý­dy.

Ha­ty­ra çä­re­le­ri, paý­tag­ty­myz­da bol­şy ýa­ly, Arkadag şä­he­rin­de hem-de ýur­du­my­zyň äh­li we­la­ýat­la­ryn­da ge­çi­ril­di. We­pat bo­lan­la­ryň ru­hu­na aýat-tö­wir­ler oka­lyp, sa­da­ka­lar be­ril­di.

6-njy okt­ýabr­da türk­men hal­ky­nyň Milli Lideri, Türk­me­nis­ta­nyň Halk Mas­la­ha­ty­nyň Baş­ly­gy Gurbanguly Berdimuhamedow «Awa­za» milli sy­ýa­hat­çy­lyk zo­la­gy­na bar­dy we ol ýer­de «Pa­ra­hat­çy­ly­gy sak­la­mak­da we dur­nuk­ly ösü­şe ýet­mek­de ze­nan­la­ryň or­ny» at­ly hal­ka­ra ze­nan­lar dia­lo­gy­na gat­naş­mak üçin ýur­du­my­za ge­len Rus­si­ýa Fe­de­ra­si­ýa­sy­nyň Fe­de­ral Ýyg­na­gy­nyň Fe­de­ra­si­ýa Ge­ňe­şi­niň Baş­ly­gy Wa­len­ti­na Mat­wi­ýen­ko­ny mä­hir­li gar­şy­la­dy.

Du­şu­şy­gyň do­wa­myn­da bel­le­ni­li­şi ýa­ly, hä­zir­ki wagt­da Türk­me­nis­tan bi­len Rus­si­ýa Fe­de­ra­si­ýa­sy­nyň ara­syn­da­ky gat­na­şyk­lar dür­li ugur­lar bo­ýun­ça saz­la­şyk­ly ös­dü­ril­ýär. Bi­ziň ýurt­la­ry­myz BMG-niň, GDA-nyň we beý­le­ki hal­ka­ra dü­züm­le­riň çäk­le­rin­de ne­ti­je­li gat­na­şyk­la­ry gi­ňeld­ýär­ler. Şeý­le hem ýo­ka­ry de­re­je­de ge­çi­ril­ýän du­şu­şyk­la­ryň we gep­le­şik­le­riň jem­le­ri bo­ýun­ça ga­za­nyl­ýan yla­la­şyk­lar öza­ra bäh­bit­li esas­da dur­mu­şa ge­çi­ril­ýär.

Şeý­le hem ta­rap­lar Ha­zar deň­zi­niň ke­na­ryn­da­ky iri hal­ka­ra çä­re­le­riň ne­ti­je­li gat­na­şyk­la­ryň mun­dan beý­läk-de ös­dü­ril­me­gi­ne kuw­wat­ly iter­gi ber­jek­di­gi­ne ynam bil­dir­di­ler.

7-nji okt­ýabr­da ge­çi­ri­len te­le­fon ar­ka­ly söh­bet­deş­li­giň do­wa­myn­da hor­mat­ly Prezidentimiz Serdar Berdimuhamedow Rus­si­ýa Fe­de­ra­si­ýa­sy­nyň Prezidenti Wla­di­mir Pu­ti­ni dog­lan gü­ni my­na­sy­bet­li tüýs ýü­rek­den gut­la­dy we oňa berk jan sag­lyk, bag­ty­ýar­lyk we aba­dan­çy­lyk, Rus­si­ýa­nyň hal­ky­nyň bäh­bi­di­ne alyp bar­ýan döw­let iş­le­rin­de uly üs­tün­lik­le­ri ar­zuw et­di.

Söh­bet­deş­li­giň do­wa­myn­da nyg­ta­ly­şy ýa­ly, Türk­me­nis­tan we Rus­si­ýa Fe­de­ra­si­ýa­sy giň ugur­lar bo­ýun­ça, şeý­le hem BMG we GDA ýa­ly hal­ka­ra guramalaryň çäk­le­rin­de üs­tün­lik­li hyz­mat­daş­lyk ed­ýär­ler. Şeý­le hem hor­mat­ly Prezidentimiz GDA-nyň döw­let Baş­tu­tan­la­ry­nyň Ge­ňe­şi­niň mej­li­si­ne we Ha­zar eko­lo­gi­ýa sam­mi­ti­ne gat­naş­jak­dyk­la­ry­ny bel­läp, öň­de bol­jak du­şu­şyk­la­ryň GDA-nyň gi­ňiş­li­gin­de ne­ti­je­li dia­lo­gy has-da pug­ta­lan­dyr­ma­ga ýar­dam et­jek­di­gi­ne hem-de Ha­zar se­bi­ti­niň eko­lo­gi­ýa dur­nuk­ly­ly­gy­ny üp­jün et­mä­ge uly go­şant bol­jak­dy­gy­na ynam bil­dir­di.

Ge­çen hep­dä­niň mö­hüm wa­ka­la­ry­nyň ha­ta­ryn­da «Awa­za» milli sy­ýa­hat­çy­lyk zo­la­gyn­da üç gün­läp do­wam eden hem-de Ga­raş­syz Döw­let­le­riň Ar­ka­la­şy­gy­nyň gi­ňiş­li­gin­de hyz­mat­daş­ly­gyň äh­li ugur­la­ry­na hil taý­dan tä­ze iter­gi be­ren hal­ka­ra äh­mi­ýet­li çä­re­ler bol­dy.

7-nji okt­ýabr­da bu ýer­de GDA ýurt­la­ry­nyň we Bir­le­şen Mil­let­ler Gu­ra­ma­sy­nyň ab­raý­ly dü­züm­le­ri­niň uzak möh­let­li ne­ti­je­li hyz­mat­daş­ly­gy mak­sat edin­ýän­dik­le­ri­ni gör­ke­zen «Pa­ra­hat­çy­ly­gy sak­la­mak­da we dur­nuk­ly ösü­şe ýet­mek­de ze­nan­la­ryň or­ny» at­ly hal­ka­ra ze­nan­lar dia­lo­gy ge­çi­ril­di. Bu giň ge­rim­li çä­rä Türk­me­nis­ta­nyň Mej­li­si­niň, ýur­du­my­zyň jem­gy­ýet­çi­lik guramalarynyň, GDA ag­za ýurt­la­ryň, Tür­ki­ýe Res­pub­li­ka­sy­nyň par­la­ment­le­ri­niň, BMG-niň ýö­ri­te­leş­di­ri­len eda­ra­la­ry­nyň ýol­baş­çy­la­ry hem-de we­kil­le­ri, Eý­ran Ys­lam Res­pub­li­ka­sy­nyň ýol we şä­her gur­lu­şy­gy mi­nist­ri gat­naş­dy­lar.

Fo­ru­ma gat­na­şy­jy­lar BMG-niň Howp­suz­lyk ge­ňe­şi­niň «Ze­nan­lar, pa­ra­hat­çy­lyk we howp­suz­lyk» gün ter­ti­bi bo­ýun­ça Kararnamalaryny iş ýü­zün­de dur­mu­şa ge­çir­mä­ge aý­ra­tyn üns ber­di­ler. Çy­kyş­lar­da öňü­ni alyş dip­lo­ma­ti­ýa­sy­ny dur­mu­şa ge­çir­mä­ge hem-de hal­ka­ra dur­nuk­ly­ly­gy üp­jün et­mä­ge ze­nan­la­ryň iş­jeň gat­naş­ma­gy­nyň se­bit­de uzak möh­let­le­ýin dur­nuk­ly­ly­ga we dur­muş-yk­dy­sa­dy iş­le­re gö­nü­den-gö­ni tä­sir ed­ýän­di­gi bel­le­nil­di.

Ga­raş­syz Döw­let­le­riň Ar­ka­la­şy­gy­na ag­za ýurt­la­ryň da­şa­ry iş­ler mi­nistr­le­ri­niň ge­ňe­şi­niň mej­li­si öza­ra hyz­mat­daş­ly­gyň ga­za­ny­lan de­re­je­si­ne sel­jer­me ber­mek we ony mun­dan beý­läk-de ös­dür­me­giň ile­ri tu­tul­ýan ugur­la­ry­ny kes­git­le­mek üçin mö­hüm meý­dan­ça bo­lup hyz­mat et­di. Onuň jem­le­ri bo­ýun­ça bir­nä­çe resminamalara gol çe­kil­di.

Türk­me­nis­ta­nyň Ministrler Kabinetiniň Başlygynyň orunbasary, da­şa­ry iş­ler mi­nist­ri R.Me­re­do­wyň Rus­si­ýa Fe­de­ra­si­ýa­sy­nyň hem-de Be­la­rus Res­pub­li­ka­sy­nyň da­şa­ry iş­ler mi­nistr­le­ri S.Law­row we M.Ry­žen­kow bi­len du­şu­şyk­la­ry­nyň do­wa­myn­da öza­ra gat­na­şyk­la­ryň wa­jyp ugur­la­ry 2027-2028-nji ýyl­lar üçin hyz­mat­daş­lyk Maksatnamalarynda öz be­ýa­ny­ny tap­dy.

Awa­za­nyň gep­le­şik­ler meý­dan­ça­la­ryn­da öňe sür­len tek­lip­ler GDA ag­za döw­let­le­riň kö­pu­gur­ly hyz­mat­daş­ly­gy­ny mun­dan beý­läk-de ös­dür­mä­ge gö­nük­di­ril­di. Öň­de du­ran bi­le­lik­dä­ki iş­le­riň ge­ri­mi öza­ra hyz­mat­daş­ly­gyň giň ugur­la­ry­ny — azyk howp­suz­ly­gyn­dan we suw se­riş­de­le­rin­den re­je­li peý­da­lan­mak­dan baş­lap, de­mog­ra­fik amallary uzak möh­let­le­ýin dur­muş-yk­dy­sa­dy meýilnamalara ut­gaş­dyr­ma­ga hem-de sag­ly­gy go­ra­ýyş ul­ga­myn­da­ky hyz­mat­daş­ly­ga çen­li ugur­la­ry öz içi­ne al­ýar.

«Awa­za» milli sy­ýa­hat­çy­lyk zo­la­gyn­da ge­çi­ri­len GDA ag­za ýurt­la­ryň döw­let we jem­gy­ýet­çi­lik te­le­ra­dio­ýaý­lym­la­ry­nyň ýol­baş­çy­la­ry­nyň hem-de GDA gat­na­şy­jy döw­let­le­riň Döw­le­ta­ra mag­lu­mat pu­lu­nyň ad­mi­nist­ra­tiw ge­ňe­şi­niň mej­li­sin­de Ar­ka­la­şy­gyň ýurt­la­ry­nyň öz­bo­luş­ly­ly­gy­ny, ola­ryň ta­ry­hy­ny, milli däp-des­sur­la­ry­ny we hä­zir­ki za­ma­nyň ga­za­nan­la­ry­ny şöh­le­len­dir­ýän mag­lu­mat we me­de­ni maz­mu­ny dö­ret­mek bo­ýun­ça bi­le­lik­dä­ki işiň äh­mi­ýe­ti nyg­tal­dy.

8-nji okt­ýabr­da ge­çi­ri­len Mer­ke­zi Azi­ýa ýurt­la­ry­nyň we bu se­bit dia­lo­gy­na il­kin­ji ge­zek res­mi taý­dan gat­na­şan Azer­baý­jan Res­pub­li­ka­sy­nyň döw­let Baş­tu­tan­la­ry­nyň kon­sul­ta­tiw du­şu­şy­gy ýo­ka­ry de­re­je­li çä­re­le­riň do­wa­my bol­dy. Sy­ýa­sy-dip­lo­ma­tik, söw­da-yk­dy­sa­dy, ulag-lo­gis­ti­ka we me­de­ni-yn­san­per­wer hyz­mat­daş­ly­gy çuň­laş­dyr­ma­gyň me­se­le­le­ri du­şu­şy­gyň üns mer­ke­zin­de bol­dy. Se­bi­tiň uly müm­kin­çi­lik­le­ri­ni aç­ma­ga ug­ruk­dy­ry­lan bir­nä­çe stra­te­gik baş­lan­gyç­lar be­ýan edil­di. Du­şu­şy­gyň ne­ti­je­le­ri bo­ýun­ça Bi­le­lik­dä­ki Be­ýan­na­ma, şeý­le hem Mer­ke­zi Azi­ýa ýurt­la­ry­nyň we Azer­baý­jan Res­pub­li­ka­sy­nyň döw­let Baş­tu­tan­la­ry­nyň kon­sul­ta­tiw du­şu­şy­gy­nyň ka­da­laş­dy­ry­jy resminamalary ha­kyn­da çöz­gü­de gol çe­kil­di.

Şol gün hor­mat­ly Prezidentimiz Serdar Berdimuhamedow ýo­ka­ry de­re­je­dä­ki çä­re­le­re gat­naş­mak üçin Türk­me­nis­ta­na sa­par bi­len ge­len Azer­baý­ja­nyň, Ga­za­gys­ta­nyň, Gyr­gy­zys­ta­nyň, Rus­si­ýa­nyň, Tä­ji­gis­ta­nyň, Öz­be­gis­ta­nyň, Er­me­nis­ta­nyň Baş­tu­tan­la­ry, şeý­le hem GDA-nyň Baş sek­re­ta­ry bi­len iki­ta­rap­la­ýyn du­şu­şyk­la­ry ge­çir­di.

Hyz­mat­daş­ly­gyň gel­je­gi uly ugur­la­ry bo­ýun­ça pi­kir alyş­ma­gyň do­wa­myn­da Mer­ke­zi Azi­ýa we Azer­baý­jan halk­la­ry­nyň aba­dan­çy­ly­gy­ny hem-de gül­läp ösü­şi­ni üp­jün et­mä­ge gö­nük­di­ri­len tä­ze bi­le­lik­dä­ki taslamalary dur­mu­şa ge­çir­mek üçin ta­gal­la­la­ry bir­leş­dir­me­giň wa­jyp­dy­gy­na aý­ra­tyn üns be­ril­di.

Hor­mat­ly Prezidentimiz Serdar Berdimuhamedowyň hem-de Öz­be­gis­ta­nyň Prezidenti Şaw­kat Mir­zi­ýo­ýe­wiň du­şu­şy­gy­nyň ne­ti­je­le­ri bo­ýun­ça stra­te­gik hyz­mat­daş­lyk bo­ýun­ça Ýo­ka­ry ge­ňe­şi dö­ret­mek ha­kyn­da Şert­na­ma gol çe­kil­di.

Mer­ke­zi Azi­ýa döw­let­le­ri­niň we Azer­baý­jan Res­pub­li­ka­sy­nyň da­şa­ry iş­ler mi­nistr­le­ri­niň mas­la­ha­ty öza­ra dü­şü­niş­mek ýag­da­ýyn­da we ne­ti­je­li hä­si­ýet­de geç­di. Dip­lo­mat­lar se­bi­ta­ra, ulag-lo­gis­ti­ka we ener­ge­ti­ka ugur­la­ry­ny bir­leş­dir­ýän mö­hüm köp­ri hök­mün­de Ha­zar deň­zi se­bi­ti­niň stra­te­gik äh­mi­ýe­ti­ni bel­le­di­ler. Hä­zir­ki döw­rüň esa­sy me­se­le­le­ri­ni çöz­mä­ge yzy­gi­der­li ut­gaş­dy­ry­lan çe­me­leş­mä­ni ulan­ma­gyň ze­rur­dy­gy­na aý­ra­tyn üns çe­kil­di.

Giň möç­ber­li hal­ka­ra çä­re­le­riň do­wa­myn­da «Ga­raş­syz, ba­ky Bi­ta­rap Türk­me­nis­tan — be­dew bat­ly at-my­ra­dyň me­ka­ny» ýy­lyn­da te­le­wi­de­ni­ýe we ki­no sun­ga­tyn­da ga­za­ny­lan üs­tün­lik­le­re ba­gyş­la­nan met­bu­gat mas­la­ha­ty ge­çi­ril­di.

8-nji oktýabrda «Awaza» milli syýahatçylyk zolagynyň gözel künjeginde dabaraly konsert geçirildi. Oňa dostlukly döwletleriň Baştutanlary hem gatnaşdylar. Da­ba­ra­nyň ba­şyn­da «Be­dew ba­dy: güýç hem gö­zel­lik» at­ly döw­le­ta­ra te­le­wi­zi­on film­ler bäs­le­şi­gin­de «Ahal­te­ke be­de­wi — mil­le­tiň gen­ji-ha­zy­na­sy» at­ly fil­mi bi­len ýe­ňi­ji bo­lan rus­si­ýa­ly re­žiss­ýor Ro­bert Fran­se­we bäs­le­şi­giň ýö­ri­te ýa­dy­gär­lik heý­ke­li, dip­lo­my, şeý­le hem Gurbanguly Berdimuhamedow adyn­da­ky Ho­wan­dar­ly­ga mä­täç ça­ga­la­ra he­ma­ýat ber­mek bo­ýun­ça ha­ýyr-sa­ha­wat gaz­na­sy ta­ra­pyn­dan 10 müň ame­ri­kan dol­la­ry möç­be­rin­de pul baý­ra­gy gow­şu­ryl­dy. «Ta­tar gy­zy — 2026» at­ly hal­ka­ra bäs­le­şik­de üs­tün­lik­li çy­kyş edip, baş baý­ra­ga my­na­syp bo­lan öz­be­gis­tan­ly A.Mah­mu­do­wa bol­sa Türk­me­nis­ta­nyň Prezidenti Serdar Berdimuhamedowyň adyn­dan baş baý­rak — «ZEEKR X9» ky­sym­ly aw­tou­la­gyň aça­ry gow­şu­ryl­dy.

Şol gün döw­let Baş­tu­tan­la­ry we be­lent mer­te­be­li myh­man­lar Ga­raş­syz Döw­let­le­riň Ar­ka­la­şy­gy­na ag­za döw­let­le­riň we Eý­ran Ys­lam Res­pub­li­ka­sy­nyň milli ta­gam­la­ry­nyň fes­ti­wa­ly­na hem gat­naş­dy­lar.

9-njy okt­ýabr­da ge­çi­ri­len Ga­raş­syz Döw­let­le­riň Ar­ka­la­şy­gy­nyň döw­let Baş­tu­tan­la­ry­nyň Ge­ňe­şi­niň mej­li­si esa­sy wa­ka­la­ryň bi­ri bol­dy. Şeý­le hem mej­li­se hor­mat­ly myh­man hök­mün­de Eý­ran Ys­lam Res­pub­li­ka­synyň Prezidenti Ma­sud Pe­zeş­ki­an gat­naş­dy.

Ýo­ka­ry de­re­je­de ge­çi­ri­len mej­lis GDA ýurt­la­ry­nyň yk­dy­sa­dy in­tegra­si­ýany çuň­laş­dyr­ma­ga ça­lyş­ýan­dyk­la­ry­ny gör­ke­zip, mö­hüm se­bit we äh­lumu­my me­se­le­le­ri çöz­mek­de türk­men dip­lo­ma­ti­ýa­sy­nyň ýo­ka­ry ne­ti­je­li­ligi­ni su­but et­di. Çy­kyş­la­ryň do­wa­myn­da al­nyp bar­lan iş­le­riň jem­le­ri jem­len­di, köp­ta­rap­ly hyz­mat­daş­ly­gyň esa­sy ugur­la­ry ara al­nyp mas­la­hat­la­şyl­dy hem-de öň­de du­ran dö­wür üçin öza­ra hyz­mat­daş­ly­gyň ugur­la­ry­ny kes­git­le­ýän resminamalaryň top­lu­my­na gol çe­kil­di.

GDA-nyň döw­let Baş­tu­tan­la­ry­nyň Ge­ňe­şi­niň mej­li­si öz işi­ni ta­mam­lansoň, bu gu­ra­ma ag­za ýurt­la­ryň Baş­tu­tan­la­ry hem-de mej­li­se hor­mat­ly myh­man hök­mün­de gat­na­şan Eý­ran Ys­lam Res­pub­li­ka­sy­nyň Prezidenti mej­li­siň çäk­le­rin­de ýaý­baň­lan­dy­ry­lan ser­gi­ni syn­la­dy­lar.

Şol gün hor­mat­ly Prezidentimiz Serdar Berdimuhamedow Eý­ran Ys­lam Res­pub­li­ka­sy­nyň Prezidenti Ma­sud Pe­zeş­ki­an hem-de Be­la­rus Res­pub­li­ka­sy­nyň Prezidenti Alek­sandr Lu­ka­şen­ko bi­len du­şu­şyk­la­ry ge­çir­di. Du­şu­şyk­la­ryň do­wa­myn­da ta­rap­lar iki­ta­rap­la­ýyn hyz­mat­daş­ly­gy gi­ňelt­me­giň gel­je­gi­ni ara alyp mas­la­hat­laş­dy­lar hem-de döw­le­ta­ra gat­na­şyk­la­ryň mun­dan beý­läk-de pug­ta­lan­dy­ryl­jak­dy­gy­na ynam bil­dir­di­ler.

9-njy okt­ýabr­da hor­mat­ly Prezidentimiz Serdar Berdimuhamedowyň baş­lyk­lyk et­me­gin­de hem-de Azer­baý­jan Res­pub­li­ka­sy­nyň Prezidenti Ilham Ali­ýe­wiň, Eý­ran Ys­lam Res­pub­li­ka­sy­nyň Prezidenti Ma­sud Pe­zeşkia­nyň, Ga­za­gys­tan Res­pub­li­ka­sy­nyň Prezidenti Ka­sym-Žo­mart To­ka­ýewiň we Rus­si­ýa Fe­de­ra­si­ýa­sy­nyň Prezidenti Wla­di­mir Pu­ti­niň gat­naş­magyn­da Ha­zar eko­lo­gi­ýa sam­mi­ti ge­çi­ril­di.

Ha­zar­ýa­ka döw­let­le­riň Baş­tu­tan­la­ry sam­mi­ti ge­çir­mek ba­ra­da­ky baş­lan­gyç üçin Türk­me­nis­ta­na ho­şal­lyk bil­dir­di­ler hem-de Ha­za­ryň eko­lo­gi­ýa me­se­le­le­ri­ni, ola­ryň ha­ta­ryn­da deň­ziň su­wu­nyň azal­ma­gy­nyň öňü­ni al­mak, onuň ekoul­ga­my­ny we bio­köp­dür­lü­li­gi­ni go­rap sak­la­mak me­se­le­le­ri­ni çöz­mek­de bi­le­lik­dä­ki ta­gal­la­la­ryň wa­jyp­dy­gy­ny bel­le­di­ler.

Hor­mat­ly Prezidentimiz Serdar Berdimuhamedow Ha­zar deň­zi­niň su­wunyň de­re­je­si­niň me­se­le­le­ri bo­ýun­ça Hö­kü­met Baş­tu­tan­la­ry­nyň orun­basar­la­ry­nyň de­re­je­sin­de to­pa­ry dö­ret­mek ba­ra­da­ky tek­li­bi gol­da­dy we topa­ryň işi­niň ne­ti­je­li­li­gi­ni ýo­kar­lan­dyr­mak üçin onuň ýa­nyn­da alym­lardan, bi­ler­men­ler­den, hü­när­men­ler­den hem-de bäş ýur­duň döw­let dü­zümle­ri­niň we­kil­le­rin­den yba­rat ýö­ri­te­leş­di­ri­len iş to­par­la­ry­ny dö­ret­me­gi teklip et­di. To­pa­ryň il­kin­ji mej­li­si­ni 2027-nji ýy­lyň bi­rin­ji ýa­ry­myn­da Azerbaý­jan­da ge­çir­mek tek­lip edil­di.

Türk­me­nis­tan şeý­le hem Ha­zar deň­zi­niň suw se­riş­de­le­ri­ni go­ra­ma­gyň Döw­le­ta­ra mak­sat­na­ma­sy­ny iş­läp taý­ýar­la­mak ba­ra­da­ky baş­lan­gy­jy golda­dy. Bu baş­lan­gyç Ha­zar deň­zi­niň bio­se­riş­de­le­ri­ni go­rap sak­la­mak hem-de re­je­li peý­da­lan­mak bo­ýun­ça Türk­me­nis­ta­nyň ga­raý­şy­na do­ly laýyk gel­ýär.

Ha­zar­ýa­ka döw­let­le­riň Baş­tu­tan­la­ry­nyň Ha­zar eko­lo­gi­ýa sam­mi­ti­niň neti­je­le­ri bo­ýun­ça Çöz­gü­di­ne gol çe­kil­di hem-de Ha­zar eko­lo­gi­ýa sam­mi­tinde Baş­lyk­lyk edi­ji­niň Be­ýan­na­ma­sy ka­bul edil­di.

Sag­ly­gy go­ra­ýyş we der­man se­na­ga­ty iş­gär­le­ri­niň gü­ni my­na­sy­bet­li ge­çi­ril­ýän baý­ram­çy­lyk çä­re­le­ri­niň çäk­le­rin­de bu ul­ga­ma de­giş­li des­ga­la­ryň açy­lyp ulan­ma­ga be­ril­me­gi ýur­du­myz­da asyl­ly dä­be öw­rül­di.

«Sag­lyk» Döw­let mak­sat­na­ma­sy­nyň ka­bul edil­me­gi­ne 30 ýyl dol­ýan şu ýyl hem türk­men hal­ky­nyň Milli Lideri, Türk­me­nis­ta­nyň Halk Mas­la­haty­nyň Baş­ly­gy Gahryman Arkadagymyz «Arç­man» şy­pa­ha­na­syn­da goşma­ça tä­ze be­je­riş mer­ke­zi­niň bi­na­lar top­lu­my­nyň açy­lyş da­ba­ra­sy­na gat­naş­dy we hor­mat­ly Prezidentimiz Serdar Berdimuhamedowyň adyn­dan şy­pa­ha­na sow­gat be­ril­ýän aw­tou­lag­la­ryň aça­ry­ny gow­şur­dy.

Hor­mat­ly Prezidentimiz Serdar Berdimuhamedowyň gat­naş­ma­gyn­da Hal­ka­ra on­ko­lo­gi­ýa yl­my-kli­ni­ki mer­ke­zi­niň, Sto­ma­to­lo­gi­ýa mer­ke­zi­niň hem-de Hal­ka­ra pe­di­at­ri­ýa mer­ke­zi­niň açy­lyp ulan­ma­ga be­ril­me­gi baý­ram­çy­lyk gü­nün­de ge­çi­ri­len bi­na­gär­lik açy­lyş­la­ry­nyň ha­ta­ry­nyň üs­tü­ni ýe­tir­di.

Tä­ze luk­man­çy­lyk des­ga­la­ry se­bit­de ýe­ke-täk bo­lan dün­ýä­niň öň­de­ba­ry­jy ön­dü­ri­ji­le­ri­niň iň ýo­ka­ry teh­no­lo­gik en­jam­la­ry bi­len üp­jün edi­len­dir. 20-den gow­rak ýö­ri­te­leş­di­ri­len bö­lüm­le­ri özün­de bir­leş­dir­ýän 500 orun­lyk Hal­ka­ra on­ko­lo­gi­ýa yl­my-kli­ni­ki mer­ke­zin­de ýur­du­myz­da il­kin­ji ge­zek süňk ýi­li­gi­niň transp­lan­ta­si­ýa­sy, pal­lia­tiw kö­mek, şeý­le hem hi­mi­ýa be­je­riş we ra­dio­far­ma­sew­ti­ki se­riş­de­le­ri ön­dür­ýän bö­lüm­ler işe gi­ri­zil­di.

80 orun­lyk tä­ze Sto­ma­to­lo­gi­ýa mer­ke­zin­de be­je­riş-öňü­ni alyş hyz­mat­la­ry «akyl­ly» teh­no­lo­gi­ýa­lar, ro­bot­laş­dy­ry­lan komp­ýu­ter to­mog­ra­fi­ýa­sy hem-de CAD/CAM san­ly la­bo­ra­to­ri­ýa­nyň komp­ýu­ter gol­daw­ly tas­la­ma we önüm­çi­lik top­lum­la­ryn­dan peý­da­lan­mak ar­ka­ly ýe­ri­ne ýe­ti­ri­ler.

160 orun­lyk Hal­ka­ra pe­di­at­ri­ýa mer­ke­zi ça­ga­lar­da we ýet­gin­jek­ler­de ke­sel­le­riň öňü­ni al­ma­ga, ola­ry ýo­ka­ry ta­kyk­lyk bi­len anyk­la­ma­ga we be­jer­mä­ge gö­nük­di­ri­len­dir.

Da­ba­ra­la­ryň so­ňun­da hor­mat­ly Prezidentimiz Serdar Berdimuhamedow luk­man­çy­lyk mer­kez­le­ri­ne tä­ze aw­tou­lag­la­ryň açar­la­ry­ny sow­gat hök­mün­de gow­şur­dy.

10-njy okt­ýabr­da türk­men hal­ky­nyň Milli Lideri, Türk­me­nis­ta­nyň Halk Mas­la­ha­ty­nyň Baş­ly­gy Gahryman Arkadagymyz Sag­ly­gy go­ra­ýyş we der­man se­na­ga­ty iş­gär­le­ri­niň gü­ni my­na­sy­bet­li ýaý­baň­lan­dy­ry­lan da­ba­ra­la­ra gat­naş­mak üçin paý­tag­ty­my­za ge­len da­şa­ry ýurt­ly myh­man­lar bi­len bir­nä­çe du­şu­şyk­la­ry ge­çir­di. Hu­su­san-da, «Bouy­gu­es» kom­pa­ni­ýa­lar to­pa­ry­nyň ýol­baş­çy­sy Mar­ten Bu­ig, «Nicklaus Com­pa­ni­es» kom­pa­ni­ýa­sy­nyň ýol­baş­çy­sy Jon Riz, Ko­re­ýa Res­pub­li­ka­sy­nyň Bü­tin­dün­ýä in­no­wa­si­ýa­la­ry öw­re­niş ins­ti­tu­ty­nyň baş­ly­gy Kim Çžin Pýo, Ger­ma­ni­ýa­nyň luk­man­çy­lyk mer­kez­le­ri­niň we­kil­le­ri, şeý­le hem Türk­me­nis­ta­nyň we Rus­si­ýa Fe­de­ra­si­ýa­sy­nyň Gahrymany, «Ý.A.Ga­ga­rin adyn­da­ky kos­mo­nawt­la­ry taý­ýar­la­ýyş yl­my-bar­lag sy­nag mer­ke­zi» fe­de­ral döw­let býu­jet eda­ra­sy­nyň baş­ly­gy, kos­mo­nawt­lar to­pa­ry­nyň ser­ker­de­si Oleg Ko­no­nen­ko bi­len du­şu­şyk­lar ge­çi­ril­di.

Myh­man­lar hä­zir­ki dö­wür­de Türk­me­nis­ta­nyň ga­za­nan üs­tün­lik­le­ri­ne, Aş­ga­bat şä­he­ri­niň hal­ka­ra we se­bit hyz­mat­daş­ly­gy­nyň mer­ke­zi hök­mün­dä­ki eýe­le­ýän or­nu­nyň pug­ta­lan­dy­ryl­ma­gy­na ýo­ka­ry ba­ha ber­di­ler hem-de hyz­mat­daş­ly­gyň anyk ugur­la­ry­na gö­nük­di­ri­len iki­ta­rap­la­ýyn öza­ra gat­na­şyk­la­ry ös­dür­mek üçin uly müm­kin­çi­lik­le­riň bar­dy­gy­ny bel­le­di­ler.

Sag­ly­gy go­ra­ýyş we der­man se­na­ga­ty iş­gär­le­ri­niň gü­nün­de Söw­da-se­na­gat eda­ra­sy­nyň ser­gi­ler za­lyn­da «Sag­ly­gy go­ra­ýyş, bi­lim we sport Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de» at­ly hal­ka­ra ser­gi we yl­my mas­la­hat öz işi­ne baş­la­dy.

Hal­ka­ra ser­gi­niň çäk­le­rin­de bi­lim ul­ga­myn­da hyz­mat­daş­ly­gy iş­jeň­leş­dir­mä­ge gö­nük­di­ri­len bir­nä­çe resminamalara gol çe­kil­di. Ýur­du­my­zyň luk­man­çy­lyk ugur­ly ýo­ka­ry okuw mek­de­bin­de da­şa­ry ýurt­ly alym luk­man­la­ra «My­rat Gar­ry­ýew adyn­da­ky Türk­me­nis­ta­nyň Döw­let luk­man­çy­lyk uni­wer­si­te­ti­niň hor­mat­ly pro­fes­so­ry» alym­lyk ady­ny dak­mak da­ba­ra­sy bol­dy.

11-nji okt­ýabr­da bu ýer­de Gahryman Arkadagymyzyň hem-de Arkadagly Gahryman Serdarymyzyň adyn­dan zäh­met­de ta­pa­wut­la­nan sag­ly­gy go­ra­ýyş iş­gär­le­ri­ne döw­let sy­lag­la­ry da­ba­ra­ly ýag­daý­da gow­şu­ryl­dy.

Şeý­le hem Türk­me­nis­ta­nyň Ylym­lar aka­de­mi­ýa­sy­nyň aka­de­mi­gi, luk­man­çy­lyk ylym­la­ry­nyň dok­to­ry, pro­fes­sor Gurbanguly Berdimuhamedowyň «Türk­me­nis­ta­nyň der­man­lyk ösüm­lik­le­ri» at­ly ki­ta­by­nyň XVIII jil­di­niň ta­nyş­dy­ry­lyş da­ba­ra­sy ge­çi­ril­di.

Şeý­le­lik­de, ge­çen hep­dä­niň wa­ka­la­ry hor­mat­ly Prezidentimiz Serdar Berdimuhamedowyň hal­ka­ra bi­le­le­şik ta­ra­pyn­dan giň­den gol­da­nyl­ýan baş­lan­gyç­la­ry­nyň uzak möh­let­le­ýin hä­si­ýe­te eýe­di­gi­ni, umu­my aba­dan­çy­ly­gyň we ösü­şiň mak­sat­la­ry­na ga­bat gel­ýän ne­ti­je­li, kö­pu­gur­ly hyz­mat­daş­ly­gy ös­dür­mek me­se­le­le­rin­de Türk­me­nis­ta­nyň iş­jeň eýe­le­ýän or­nu­ny aý­dyň gör­kez­di.