Assam, Oct 20: Mongolbar salo, Raijor Dal aro Krishak Mukti Sangram Samiti (KMSS)-ni member-rang, Zubeen Garg sagina kakket bichalko ka·e on·china dabie, Dispur-o donggipa Assam Secretariat a·palo jinma jakritinge jegalaniko dakangaha.
Ia jegalaniko dakanio mitam jegalgipa manderangni bus-ona gadoe chrik a·bokani a·sel so·so jengjeng ong·na a·bachengaha. Police-rang uamangko ra·onenba, adita jegalgiparangko rim·aha.
Zubeen-ko so·otanina matnangako man·gipa Amritprabha Mahanta aro Sandipan Garg-na bail-ko on·a ja·man ia jegalaniko dakangaha. Jegalgipa dolrang ia case-ni gimin am·sandianirangko ta·rakatchina aro kakket bichalko ka·e on·china dabiangengon, kakket bichalko ka·e on·ja dipetde uamang jegalaniko dakangkugen ineba uamang agandapangkuaha.
Adita somoirangna skang, Zubeen sagini jikgipa Garima Saikia Garg-ba Sonapur-o donggipa Zubeen Kshetra-o jegalaniko dakanio Zubeen-ni ripengrang aro uko namnikgiparang baksa bakrimpaeaha.
The post Raijor Dal aro KMSS, Zubeen Garg-na kakket bichalko ka·e on·china dabianga appeared first on Hub News.