Boko, Oct 25: Assam a·dokni Boko jolo donggipa Bamunigaon songo gari bolsa a·sel ong·ani ja·man, drug ba pekatgipa samrangko badingenggipa sakdok manderangko rim·na man·aha.
Koborko on·ani gitade, Goalpara-chipakna gari bolgni, ta·rakbee re·angengmitingo, ia gari bolgnioni bolsa, rama peng·gipa (road divider)-o chagake a·sel ong·aha. Ia gari a·sel ong·ani ja·man, gario gadoenggipa me·chik saksako, gario songrepagipa gipin manderang rim·srukangengakon ine chanchichipenba songni manderang rim·e, Boko police-ni jako pakwate on·eaha.
Iani bidingo police official-rang, ning·tue am·sandion, ia me·chikara rim·srukanga man·gipa ong·ja indiba pekatgipa samrangko badingenggipa manderangsa ong·a ine ma·sina man·skaaha.
Iani bidingo Boko Police, Manipuri chadambe sakgittam aro gipin sakgittam manderangkoba rim·na man·aha.
Rim·a man·gipa Manipuri chadambe sakgittamni bimingara, Thangkha Hao, Chatmin Khang aro Sara minggipa me·chik ong·a aro gipin mande sakgittamni bimingrangara, Faridul Islam, Amidul aro Abbas Ali ong·a.
Drug badingsrukanio tangka paisana jegrikani ja·mansa ia manderangko rim·na man·aha ineba police official-rang parakataha.
The post Boko-o gari a·sel ong·ani ja·man drug badinggipa manderangko rim·a appeared first on Hub News.