Omutumba wopashiwana owa dimina nokuulika oilyo yoshikondo shokupotokonona oikumhungu yomakuyunguto omadu vatano.
Oilyo ipe oyo Ngakumbirue Katjivena oo a hoololwa onga omunashipundi, omunashipundi a wedwa po Ileni Gebhardt Petrus Amakutuwa, osho yo oilyo Christopher Khaile na Inekela Soiny Kambindji.
Omadina oilyo yoshikondo shina sha nokupotokonona omakuyunguto lomadu okwa li a etwa komutumba wopashiwana okudja kOkabinete melongelo kumwe louministeli wounamapya, eeshi, omeva nomatalululo omadu.
Oilyo e i opo ya hoololwa otai kala ina oshinakuwanifa shokukalela po oibofa osho yo oikumhungu ina sha nomakuyunguto osho yo omakondjelo omadu.
Oilyo oya ana komesho yomhangu yopombada moWindhoek okutameka oilonga yavo.
Omutumba wopashiwnaa owa hoololela oilyo e i eedula nhatu koshipundi, opo ikale tai talele nokufila oshisho oikumhungu yekondjelo lomadu moshilongo ashishe.
Minista wounamapya, eeshi, omeva nomatalululo omadu Inge Zaamwani okwa kumaida oilyo ya hoolola opo i ungaunge noibofa yomadu oyo nale ili poshitaafula.
Ta holola kujtya ova hoololwa pefimbo lidjuu, eshi ve na nale oibofa ya hangwa puitano ya pumbwa okukandulwa po.
Okwa ti nava longe va tula ombuda moshixwa okufinda nokutokola oibofa yovanhu veli kufila edu shihe li pauyuuki.
Okwa twikia kutya natango ove ya yo pefimbo opo oshiwana tashi nyenyeta ouhafike pamwe, unene neenge tashi ya petopolo lomadu.
“Onda hala mu ka longe noikumhungu e i moshili osho yo mouyuuki,” Minista te yelifa.
Okwa twikila kutya oilyo ngeenge tai longo noikumhungu e i, oya pumbwa okuninga omatokolo elikolelela koutendo ovo va nyama koveta nokekotamhango loshilongo.
“Keshe etokolo tamu ningi na li kale la kalelwa po kusha, lo vali ole li kolelela kekotamhango loshilongo, noli na eenghono,” ta ti.
Minista okwa ti eenhele dihapu moshilongo oda kala novanhu tave li twala keemhangu, oku li monifa oiponga osho yo okueta omaliyalafano shaashi ovanhu otava kondjele omadu vo vahapu ove wete kutya ova nyokomwa omadu avo nokukufwa omadu shihe li pauyuuki.
Minista okwa pa oilyo ipe eemwedi nhatu opo ngheno va kale va kandula po nokutokola oibofa omuwoi oyo ili nale poshitaafula.
Ta ti okulonga noudiinini osho yo okulonga nefimbo oshinima sha fimana.
Zamwaani okwa yelifila oilyo kutya natango opo va wanife po oilonga yavo mondjila ova pumbwa yo okulonga vena elitulemo moilonga yavo, okulonga osho shili mondjila nande ka pe na omunhu ta tale, nokuninga omakonaakono omondjila ngeenge tava longo noibofa ya yooloka.
Natango oilyo oya kunghililwa i fiile oshisho oibofa ina sha noiningwanima yomadu oyo ya lopotwa ili ofika, ya pumbwa okutulwa peenhele.
The post Oilyo yoshikondo shomatokolo edu ya ulikwa appeared first on New Era.