Booliska Maraykanka oo baaritaan ku sameeyey guriga xildhibaan Ilhaan Cumar.

Ciidamada baarista amniga gudaha Maraykanka ee loo yaqaan (Homeland Security Investigations) ayaa 12-ka Oktoobar 2026, baaritaan ku sameeyey guriga xildhibaanad Ilhaan Cumar oo ka tirsan Xisbiga Dimuqraadiga, lagana soo doorto gobolka Minnesota, sida ay baahiyeen warbaahinta Associated Press iyo Reuters.

Wasaaradda Caddaaladda Maraykanka ayaa xaqiijisay in baaritaanka oo ka dhacay Magaalada Washington  uu qayb ka yahay kiis dembiyeed oo socda, ayna baarayaashu wateen waaran maxkamadeed oo si cad ugu ogolaanaya inay baaritaan ku samayn karaan guriga Mas’uulkaan katirsan aqalka sare ee dalka Maraykanka.

Warbixinada qaar ayaa tilmaamaya in baaritaanku xiriir la leeyahay dukumentiyadii socdaalka iyo jinsiyadda Ilhaan Cumar, gaar ahaan macluumaadka uu buuxiyey aabeheed oo geeriyoodey waayeheedii carruurnimada, inkastoo aysan hay’adaha caddaaladda iyo ammaanka Maraykanku faahfaahin dheeraad ah ka bixin dabagalka lagu hayo Xildhibaan Ilhaan Cumar oo asal ahaan ka soo jeedda Soomaaliya.

Madaxweynaha Maraykanka Donald Trump iyo xubno ka tirsan maamulkiisa ayaa horay ugu goodiyey inay dalka ka cayrin doonaan Ilhaan Cumar  oo horay si cad ugu beenisey eedeymaha la xiriira khaladaad socdaal iyo guur been-abuur ah hore u beenisay, waxaana baaritaanadaani ku soo aadayaan xilli loo diyaar garoobayo doorashooyinka golayaasha barlamaanka ee dalka Maraykanka.