TURA: Tura-ni apalo donggipa Danakgre, Bokmagre, Dopgre aro Atmile-ni manderang Airtel mobile network-ko ta·rake namdapatchina aro internet-ko sale on·china Bharati Airtel-ko mol·molanaha, network name man·jani a·sel salantion neng·nikanirangko man·enga ine matnangataha.
Signal-rang name man·ja, call ka·ani somoio sichangaia, ku·rang name knaja aro 4G aro 5G service-rangni mobile data-rangba ta·rakja ine songni manderangni matnangataha. Network name man·jani a·sel salantion chatri chatrirang jemangan online gita poraienga, kam ka·enga, nanggitikani somoio agangrikna nangenga aro salantion hajira ka·e cha·gipa uamangni janggi tanganina digital service-rango pangchake tangka kamaienggiparangna neng·nikani ong·enga ine uamang aganaha.
Nangnikenggipa jolrango network-na rika cho·anniko namdapatna man·gijako telecom operator-ni chu·sokgijagipa kam ine ua jolni Bipin M Sangma ka·onange aganangaha.
Ia digital-ni chasongo agan-golpogrikna nangchongmotgipa dake jakkalenggipa ong·a, sunscriber-rang network namjagenchimoba pangnan mobile recharge ka·e jakkalenga ine ua aganaha.
Neng·nikaniko man·enggipa biaprango ta·rake tarie on·angchina aro namgipa ja·kuko de·china North East Circle-ko nirokgipa aro Bharati Airtel Ltd.-ni nodal officer-ko songni manderang mol·molangaha.
Jolni tower-ko namdapatchina aro signal-ko bilakdapatchina dabianio mobile aro internet service-rangko name dake on·china jean nangchongmotgipa ong·a uko bilakdapatchinaba uamang dabiangaha.
Internet network-rango pangchakgipa education, kam ka·e cha·giparang, nanggitikani somoirango aro salanti agangrikanirangna nangchongmotgipa bak ong·a uni mobile network-ko namdapatchina songni manderang mol·molangaha.
Signal-rang name man·ja, call ka·ani somoio sichangaia, ku·rang name knaja aro 4G aro 5G service-rangni mobile data-rangba ta·rakja ine songni manderangni matnangataha. Network name man·jani a·sel salantion chatri chatrirang jemangan online gita poraienga, kam ka·enga, nanggitikani somoio agangrikna nangenga aro salantion hajira ka·e cha·gipa uamangni janggi tanganina digital service-rango pangchake tangka kamaienggiparangna neng·nikani ong·enga ine uamang aganaha.
Nangnikenggipa jolrango network-na rika cho·anniko namdapatna man·gijako telecom operator-ni chu·sokgijagipa kam ine ua jolni Bipin M Sangma ka·onange aganangaha.
Ia digital-ni chasongo agan-golpogrikna nangchongmotgipa dake jakkalenggipa ong·a, sunscriber-rang network namjagenchimoba pangnan mobile recharge ka·e jakkalenga ine ua aganaha.
Neng·nikaniko man·enggipa biaprango ta·rake tarie on·angchina aro namgipa ja·kuko de·china North East Circle-ko nirokgipa aro Bharati Airtel Ltd.-ni nodal officer-ko songni manderang mol·molangaha.
Jolni tower-ko namdapatchina aro signal-ko bilakdapatchina dabianio mobile aro internet service-rangko name dake on·china jean nangchongmotgipa ong·a uko bilakdapatchinaba uamang dabiangaha.
Internet network-rango pangchakgipa education, kam ka·e cha·giparang, nanggitikani somoirango aro salanti agangrikanirangna nangchongmotgipa bak ong·a uni mobile network-ko namdapatchina songni manderang mol·molangaha.