ONGWEDIVA – Uuministeli womauyelele nomakwatathano gopaungomba otau hiya oshigwana konooli opo shi longithe ompito ndjika okutseya kombinga yomakwatathano gopashinanena.
Omauliko ngaka otaga ningwa oshikando oshitimugoyi, no taga ningwa oshikando shotango mOngwediva moshitopolwa shaShana.
Oga tameke ohela no tagayi sigo omasiku gatatu gOktomba nuumvo, okuza potundi 08h00 sigo 17h00.
Omukuluntu guuministeli womauyelele nomakwatathano Linda Nakale okwa ti omauliko ngaka oga ningwa okuhwepopaleka oonkalamwenyo dhaantu , okweeta po iilonga noku xwaxwameka eliko lyoshilongo.
“Omauliko ngaka oga eta pamwe aanangeshefa, aanamapangelo, aanasikola osho wo aanapopyoki muungomba okukundathana nokulongathana kombinga yokuandjaneka noku xwaxwameka omakwatathano,” ta ti ngaaka.
Nakale okwa tis hoka otashi ka kwathela wo okushonopaleka elongitho lyiimaliwa hali pula omalungula , ngaashi okulongitha oodata.
Ta gwedha po kutya ompito ndjika otayi kwathele wo aanyasha nkene yena okuya po noompito dhiilonga, taya longitha omalungula.
“Omakwatathano mongaashingeshi oga thika nokuushayi, shoka shaya mbidhidha oshigwana shi tembukile koondolopa omolwa omatompelo giilonga,” ta popi ngaaka.
Uunene oogeshefa hadhi pula omakwatathano ohadhi eta po oshimaliwa.
Nakale okwa ti mekwatathano lyepangelo nomahangano gopaumweno, omauliko ngaka oga nuniwa okuxwaxwameka eyetepo lyiilonga osho wo okulundulula onkalo moshilongo okupitila paungomba.
“Oshiindingili shika natango otashi gandja wo omalongo nkene oongeshefa tadhi vulu okuhwahwamekwa okupitila pautekonologi,” ta fatulula ngaaka.
Uuministeli womauyelele owali wa shanga kutya, moongaashingeyi oongeshefa otadhi hwahwamekwa komalungula, opo oyendji ya tseye noku sapota ongeshefa ongele sha pitithwa komalungula.
“Otwa tokola okueta omauliko ngaaka konooli opo wo tu gandje ompito kwaamboka ihaaya vulu okuthika kuushimba hoka kwa kala noku ningilwa omauliko,” ya shanga ngaaka.
Omumvo tagu ya otaga ka ningilwa koKatima Mulilo taga kaya koshitopolwa shaKharas osho wo Kunene ta landula ko.
Omukuluntu guuministeli womakwatathano moshitopolwa shaShana Hileni Mwandingi ota hiya oshigwana opo shi longithe ompito ndjika okutseya kombinga yomakwatathano gopaungomba osho wo nkene uuyelele hau taandekelewa.
“Omauliko ngaka ogena omandiki ga yooloka gena sha nomakwatathano gomangomba no taga ka taandaleleka omauleyelele nesimano wuule wethimbo ndika,” ta ti ngaaka.
Ta ti, ompito ndyika hayo yoku ethwa, unene kwaamboka yeli moongeshefa.
Uuministeli momauyelele owa shanga kutya oshiindingili shika osha gongela oshigwana okuza koombinga noombinga oku kundathanwa uuwanawa womakwatathano osho wo uungomba. “Otaku gandjwa wo omalongo nkene omakwatathano gopashinanena ga simana nankene taga humithakomeho oshilongo,”
Maria Nangolo ngoka eli momukunda Othingo okwa ti okwa tameke ongeshefa ye yo Yango, ihe otayi ende nawa.
“Yango ota longo ngaaka oshoka otwa landula omakwatathano gopaungomba,” ta ti ngaaka.
Ta gwedha ko ta ti, okuna edhiladhilo lyokuya po nokabetting hoka natango taka ka pula omakwatathano gopaungomba.
vkaapanda@nepc.com.na
The post Omauliko gomauyelele nomakwatathano ga tameka mOngwediva appeared first on New Era.