Mellim (Rerapara), Oct 20: Mongolbar salo, Meghalaya a·dokni Chief Minister Conrad K Sangma, Apiculture Multi Facility Centre aro Processing Unit-ko South West Garo Hills a·jani Rerapara C&RD Block ning·o donggipa Mellim songo kulie on·angaha aro ia centre-ko kulianio, Gambegre MLA Mehtab Chandee A Sangma, Mahendraganj MLA Sanjay A Sangma aro Rangsakona MLA Subir M Marak-ba dongpae bak ra·angaha.
Ia Apiculture Multi Facility Centre aro Processing Unit-ko kulie on·na tom·aniko ong·atanio, a·dokni Chief Minister, tom·anio bak ra·giparangna aganprakangengon, Meghalaya a·dokni bija bitchirangko a·gilsako nambatsranggipa ine aganani donga aro ia bija bitchirangko nambate tarie palna man·genchimode, ian kakket ong·bebeani cholrangba dongaia ine aganaha.
A·doko Bee Museum aro Interpretation Centre-ko kulina sorkari miksongenga ine janapatengon, ia centre-o maming brinani grigipa aro nambatgipa bija bitchirangko pale, bija bitchi tarianiko internet gita mesokatna man·gen ine Sangma aganaha.
Ia biapo Apiculture Centre-ko kuliengani gimin talataniko on·angengon, ia centre-o science-ni bewalo bija bitchirangko tarina, technical training-ko on·na aro bija bitchirangko dingtang dingtang biaprangona watatna tarigen ine Chief Minister aganaha.
Apiculture Mission 2.0-ko Meghalaya a·dokni pilak dam 12 a·jarango, dol 87 aro sak 6,491 bija jile cha·giparangni namgnina jako ra·e kam ka·enga aro ia mission-ni ning·o, bija jilani ge 32,455 baksorang aro ge 6,491 dingtang dingtang bosturangko sualmanaha ineba Chief Minister aganaha.
The post South West Garo Hills a·jani Mellim-o Apiculture MFC aro Processing Unit-ko CM kulie on·a appeared first on Hub News.