Shillong, Oct 13: Mongolbar salo, Meghalaya a·dokni Skotong Minister Conrad K. Sangma, Shillong songjinmani Ward’s Lake-o jolo man·gipa bosturang, jaktangchi tarigipa bosturang, tourism aro basing chiwale cha·aniko ra·dona gita Meghalayan Age Pavilion-ko oprake on·angaha.
Meghalayan Age (MAL) Store ba Pavilion-o jolo tarigipa chu bitchi-rang, coffee, cha·ani bosturang, ba·ra kancharang, jaktangchi tarigipa bosturang aro game ge·e man·gipa bosturangko mesokangaha. Ia ja·ku de·aniara game ge·e cha·giparang, self-help group-rang aro jolo dake rike cha·giparangko dal·bata palram biaprangona sokatna dakchakan baksana pangkamgipa janggi tangani cholrangko nakatatna dakchakgen ine Sangma aganangaha.
Ua, Lakadong holdi aro anaros-rangoniko tarigipa chu bitchi aro ice-cream-ko man·chape jolo chu·sokaniko man·gipa bosturangni bidingo aganangaha. A·dok sorkari, PRIME Program gita jolo bading chiwalgipa dakgiparangna training, support centre-rang aro dakchakaniko on·enga ine Sangma aganangkuaha.
Sangma, a·dok sorkari Ward’s Lake-ni mingsinggipa dolong-ko taridape, chirangko rongtalate, light-rangko done aro bangbanggipa theatre aro dakmesokram biaprangko tarie namdapatna miksonganiko parakataha.
Meghalayan Age Music Programme, jolo git ring·na namnikgiparang aro doka dam·anina gisiko nanggiparangna an·tangtangni changa sapaniko dakmesoke mesokna gita cholko on·anggen.
A·dok sorkari, ia apsan dakgipa Pavilion-ko Tura, Nongpoh, Jowai, Nongstoin, Williamnagar aro Baghmara-oba kulie on·a miksongenga. Tourism Minister Timothy D. Shira, sorkarini official-rang, bading chiwalgipa nokgiparang, designer-rang aro self-help group-ni member-rangba ia oprake on·ani tom·bimonganio dongpae bak ra·angpaha.
Na·simang iakoba nina man·gen:
Na·simang iakoba poraina man·gen: M’laya Cabinet, MCCL karkana-ko chipaniko namnike ra·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post M’laya-ni CM, Ward’s Lake-o Meghalayan Age Pavilion-ko oprake on·a appeared first on Hub News.