Shillong, Oct 12: Ri Bhoi a•jani Patharkhmah-o Mini Secretariat-ko rikna Sombar salo, Meghalaya a•dokni Chief Minister Conrad K Sangma, Patharkhmah-ni Western Ri Bhoi Football Ground-o pangchakaniko songe on•angaha aro ia pangchakaniko songanio, a•dokni Secretariat Administration Minister Sosthenes Sohtun-ba dongpaaha.
Ia apsan salon, Jirang Block-ni gital office-koba Jirang jolo robol kal•na changanina mingsing minggamako man•gipa Ribansi Jamu, a•dokni Chief Minister aro gipin dilgiparangni dongpaanio, nokdonggae on•angaha. Unbaksana ia program-ko ong•atanio, Patharkhmah Senior Secondary School aro Patharkhmah Model Degree College-ni gital building-koba nokdonggae on•angjolaha.
Jirang C&RD Block-ko 2001 bilsini March 24 tariko, Patharkhmah-ko headquarter dake kuliaha aro ia gital Block Integrated Development Complex (BIDC)-na, 2023 bilsini October 27 tariko pangchakaniko songenba da•o ia gital office nokko nokdonggae on•angaha.
Jirang Block-ni gital BIDC-ko nokdonggaanio a•dokni Chief Minister Conrad K Sangma, program-o dongpae bak ra•giparangna aganprakangengon, a•dokni bang•bata block office-rangon office nokrang dongjani gimin aro mitamranga gitchame nosto ong•ahani gimin da•o pilak block office-rangkon gital rike on•engaha aro mitamrangkoba taridape on•engaha ine parakataha.
Robol kal•anio Ribansi Jamu-ni chu•sokanirangna aro a•dokna on•gilanirangna mittelpilangskaengon, ia block office-ko uni jakchi nokdonggae on•aniara namen krabegipa ong•aha aro uni robol kal•na changanian, a•dokni gipin chadamberangkoba didiani ong•skaenga ine Chief Minister aganaha.
Ribansi Jamu-ara, India-ni Women’s National Football Team ba India a•songni robol kal•gipa me•chik dolna goalkeeper dake kal•gipa ong•a.
Patharkhmah-o Mini Secretariat-ko rikna pangchakaniko songani bidingo janapangskaengon, ia biapo Mini Secretariat-ko rikanichi, Patharkhmah Civil Sub-Division-ni pilak office-rangkon ia apsan campus-ona ra•bagnok aro manderang, an•tangtangni nanga kamrangna dingtang dingtang biaprangona re•na nangjawaha ine Chief Minister aganaha.
Batanggimin sal somoirango an•tangni Patharkhmah-ona re•bamiting somoirangko gisik ra•atpilengon, Patharkhmah-o da•o rama jal•langrangni namdapaniko aro pilakni gitan namroro silroroaniko nikna man•aha ine Chief Minister, an•tangni kusi ong•aniko parakataha.
Na·simang iakoba nina man·gen:
Na·simang iakoba poraina man·gen: Tura skulo MePDCL-ni electricity awareness program-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Ri Bhoi a•jani Patharkhmah-o Mini Secretariat rikna CM-ni jakchi pangchakaniko songa appeared first on Hub News.