Shillong, Oct 12: Meghalaya-ni Deputy Chief Minister aro Transport Minister Sniawbhalang Dhar, a·dok sorkari Pynursla-Rymaw-o Tourist-rangna parking ba gari donchakram biapko tarina miksongenga ine aganangaha. Ia gari donchakram biaprango dingtang dingtang namgnirang jekai paikanarang, cha·ani ringani palgipa dokkanrang baksana songrebagiparangna ong·onchakna aro gario gadona gita dingtangmancha biaprangba donggen.
Tourist taxi Association-rang, hotel-rang aro homestay nokgiparang, tourist guide-rang aro sorkarini official-rang baksa tom·aniko daka ja·man iako tik ka·angaha.
Dhar, tourism dolrangni gisepo apsan kam ka·anirangko namdapatan baksana jolo para gari sale cha·enggiparang tourism-oniko bang·bata dake rike cha·ani cholrangko man·a gita dakchakaniko on·a committee-ko songani bidingoba parakataha. Ua pilak hotel-rang aro homestay-rangko man·a dipet jolo para gari sale cha·enggiparangko jakkalchina u·iataha. Assam aro Meghalaya-ona re·ruragipa taxi ba para garirangni neng·nikanirangko namatna gita sorkari a·dok damgnini taxi Association-rang baksa chanchirimaniko dakanggen ine Dhar aganangaha.
A·doko tourism ka·sin ka·sin nambapilengaha aro a·dok sorkari tourism sector-na chakpaaniko on·a gita gital scheme-rangna tarisamsoanirangko dakengaha ineba ua agandapangkuaha.
Na·simang iakoba nina man·gen:
Na·simang iakoba poraina man·gen: Ri Bhoi a•jani Patharkhmah-o Mini Secretariat rikna CM-ni jakchi pangchakaniko songa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post M’laya a·dok, Pynursla-Rymaw-o Tourist-rangna gari donchakani biapko tarina miksonga appeared first on Hub News.