TURA: Meghalaya a·dokni dingtang dingtang biaprango gitan Tura-oba Police Commemoration Day-ko, Budbar salo, Tura-ni Police Reserve-o maniangaha.
Ia Police Commemoration Day-ko manianio, West Garo Hills DEF aro Police unit-ni ning·o donggipa dingtang dingtang gadangni police officer-rang bak ra·angtokaha aro a·songna aro a·songni manderangna dangdike on·anio, janggitangtangko gimaatna nanggipa gitcham police-rangna, mande ra·pilskaanirangko dakangaha.
Ia bilsio, a·songni dingtang dingtang biaprango kam ka·e sianggipa sak 154 sipairangna, ia Commemoration Day-ko manianio gisik ra·e mande ra·pilskaaniko dakangaha.
Ia salko manianio sianggipa police-rangko mande ra·ani chin gita Roll of Honour-ko poraiataha aro sianggipa gitcham police-rangna pulrangchi mande ra·pilskaanirangko dakangaha.
“Ia salni bako, chingni matgrikrangko West Garo Hills DEF-ni officer-rang aro pilak sipairangan salam ka·enga aro uamangni on·kanganiko chinga pangnan gisik ra·kamgen,” ine Police officer-rang parakataha.
Ia salko manianio, West Garo Hills a·jani Superintendent of Police (SP) Abraham T Sangma aro dingtang dingtang police officer-rangba bak ra·angtokaha.