Boko, Oct 15: Assam a•dokni Boko Block Primary Health Centre (PHC)-o sagiparangko simsak nirokna gisiko nangjaenga ine matnangenba Budbar salo, Bir Lachit Sena Assam-ni Boko regional committee, Boko PHC-o jingjengataniko dakangaha.
Ia jingjengataniko dakanio, Bir Lachit Sena Assam Boko regional committee-ni president Boloram Das, ua biapo tom•chimonggipa manderangna aro kobor ra•timgiparangna aganprakengon, Boko Block PHC-o simsak nirokanirangko man•jahani a•sel October-ni 3 tariko, an•o donggipa me•chikma Santona Boro, sina nangaha ine matnangataha. Da•alonan ia me•chikmako sanna banani lekkarangko, sianggipa me•chikmani nokdang man•kujaenga ineba Das a•kangataha.
Kalimenggipa nokdangna gong lak 10 tangkarangko gamchina dabiangengon, ia nokdangko grongechina aro ia PHC-ni kamrangko name sing•sandie ra•echina Bir Lachit Sena Boko regional committee, Assam-ni Health Minister Ashok Singhal-ko didiataha.
Ia a•selni bidingo aro ia PHC-o tangka paisa jakkalsretanirangko ning•tue am•sandiatchina gitaba ia committee, Boko-Chaygaon constituency-ni MLA Raju Mech-ko didiangaha.
Ia me•chikmani siani bidingo matnanganirangna Boko Block Primary Health Centre-ni Deputy Superintendent Dr Apurba Talukdar aganchakaniko on•angskaengon, ia me•chikmani obosta namjabatroroahani gimin uko Gauhati Medical College & Hospital (GMCH)-ona ra•angchina aganataha aro GMCH-o sannaniko ra•engmiting somoiosa ua siaha ine talataniko on•angaha.
Ia me•chikmani siani bidingo, Kamrum District Health Department, inquiry ba ning•tue am•sandianiko dakna a•bachengataha ine janapatengon, badiaba doctor ba sanna banani kamko ka•enggipa mandeni a•sel ua siaha ine nikgenchimode nanga gita ja•kurangko de•gen ine Dr Talukdar parakataha.
Na·simang iakoba nina man·gen:
Na·simang iakoba poraina man·gen: Tom•tome jingjengatna man•a indiba niam pe•giparangde sastiko man•na nanga: Hek
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Boko PHC-o sagiparangko simsakja ine Bir Lachit Sena matnanga appeared first on Hub News.