Mubuhi waMutende
Likolo laNjimo, Bundui, Mezi ni Canfazo yaMubu kamutayi obona zamipendo yalikomu likalile mihato yamupendo waputako kwasioli saKalala mwasilalanda saKabbe yaMbowela mwasikiliti saZambezi. Zeo litaha kasamulaho butuku bwataku ni mulomo (FMD) nebusweli mwasilalo.
“La 5 Yenda, babeleki bamutayi obona zamipendo yalikomu kuzwelela mwaKatima Mulilo nebaezize lipatisiso zabutuku bwaFMD mi bayolemuha kuli likomu zemashumi mabeli nelisupeza lisupo zabutuku bwataku ni mulomo. Zelishumi kazepeli neli hohilwe mali mi nalumezwi kwaWindoko la6 Yenda kuli ayo tatubiwa. Kaufela nabonisize kuba ni butuku la7Yenda,” nekubaleha temuso.
Temuso hape nebulezi kuli kakulatelela mulao obona zamateke alifolofolo wasilimo sa2011, Mulelo otalima zakutibela kuambalakana kwabutuku bwataku ni mulomo ushanguzwi kutibela butuku.
“Nyakisiso yetuna ikalile kulika kufuma butuna bwakuzuha kwabutuku mi mihato yelatelela ika talelezwa kapilipili kufitela hakukalemuswa: kuyema kwakuzamaisa limunanu kaufela zataku ni mulomo mwasikiliti saZambezi kaufela. Mañolo kaufela ane afilwe alumelela kuzamaisa limunanu ayemiswa, tekisano yalika kaufela zezwa falimunanu iyemisizwe.”
Mihato yeñwi ingelezi cwalo ni kuyemisa kubulaiwa kwalikomu kwamasilaha ni misika kaufela mwasikiliti. Kutoma libaka zamiseco kutaleleza kuhanisa kuzamaya kwalimunanu ni lika kaufela zezwa kwalimunanu mwasikiliti. Likolo lilemusize kuli butuku bwataku ni mulomo buyambukela hahulu mi butaseza lifolofolo kaufela zataku ni mulomo, kungelela cwalo ni likomu, lingu, lipuli, likulube ni lifolofolo zamwanaheñi.
Butuku bukonwa kulemuhiwa kakumela litombo, sihulu litombo kwamulomo ni mwahalala litaku. Lifolofolo zeyambuzi butuku likona kubonahala kupalelwa kuzamaya, kulota lwenge ni kuota. Likolo la Njimo, Bundui, Mezi ni Canfazo yaMubu kamutayi “Obona Zamipendo yaLimunanu lisiala likumalezi kutibela kuzuha ni kuambalakana kwabutuku. Balimi baelezwa kubiha limunanu kaufela zebonisa lisupo zabutuku kwaofesi yeli bukaufi yebona zamipendo yalimunanu kuli lukone kuswalisana mwakulwanisa butuku bwataku ni mulomo. Lukazwelapili kufa litemuso mañusa hafumaneha.”
The post Mupendo waputako kusileleza butuku bwaFMD wakala mwaZambezi appeared first on New Era.