Nongpoh: Meghalaya-ni Community and Rural Development (C&RD) Minister aro Jirang MLA Sosthenes Sohtun Sukrobar salo Ri-Bhoi district-ni Byrnihat-o National Clean Air Programme (NCAP)-ni ning·o namroroani project-rangna tangka kror 1.46-ko chamaha ine parakataha.
Project-rangko 2023-24-na chamaha aro Byrnihat-ni dam 20 songrango sualangaha, iano electronic-chi jabol chimonggipa gari bol 6, ge-3 mechanical road sweeper-rang aro jabol galchakgipa kal·bongrangko nok te 1000-na bate sualangaha.
Ua biaprango rong-talataniko namdapatna aro jabol galanirangko namdapatna miksonge ia project-ko a·bachengataha, jeon batanggimin bilsirango balwa namgijanio bilonganina a·gilsak gimiko niksengangaha. Samtangtango balwa namgijagipana aro rongtal-antalaniko tang·doatna aro an·seng-baljoke samtangtango dongna jotton ka·anio ia project-rang bak ong·enga.
Moonlight English Secondary School-o program-ko ong·ataha aro Ri Bhoi Deputy Commissioner Dr Abhishek Saini, Umling C&RD Block Development Officer Eric Kevin Dkhar, District Rural Development Agency Director Raja Brahma, Meghalaya State Pollution Control Board-oni aro Public Works Department-oni official-rang baksana gipin sorkari department-rangoni dilgiparangba dongpaaha.
Byrnihat Circle-ni ning·o dongenggipa dam 20 songrangoni songni dilgiparang, jolni manderang aro skulni chatro chatrirangba program-o dongpaaha.
Deputy Commissioner aro Umling C&RD Block Development Officer-ni office-rangna aganangaha, NCAP-ni ning·o project-rangko name kam ka·na jotton ka·enganina aro Ministry of Environment, Forest and Climate Change-ni gita ma·mong sorkarini a·bachengatgipako chu·sokatenganina tom·bagipa mande jinmana Sohtun de·mittele aganangaha.
Garirangko name dake jakkalchina aro on·gipa bosturangko daito ra·china ua songni manderangko mol·molangaha, uamang name dake jakkala ong·ode songni aro apalgipa community-na namgni ong·gen ine ua agandapangaha.
Batanggimin bilsirango Byrnihat a·gilsak gimiko balwa namgijagiparangoni damsa ong·engako Sohtun , Saini aro Dkhar aganangaha, rongtal-antalaniko name dake rakkichina aro sorkari mangmang samtangtango dongenggipa chel·chakna man·jawa ine agangaha.
A·tangtangni nok jamrangko rongtal-antale rakkichina songdonggipa sakantini daito ong·a ine uamang aganangaha, a·dok gimiko samtangtango dongenggiparangko namdapatna aro balwa namgijagipako rongtalatna kam ka·anio sakantian bakrimna nangako aganangaha.
Project-rangko 2023-24-na chamaha aro Byrnihat-ni dam 20 songrango sualangaha, iano electronic-chi jabol chimonggipa gari bol 6, ge-3 mechanical road sweeper-rang aro jabol galchakgipa kal·bongrangko nok te 1000-na bate sualangaha.
Ua biaprango rong-talataniko namdapatna aro jabol galanirangko namdapatna miksonge ia project-ko a·bachengataha, jeon batanggimin bilsirango balwa namgijanio bilonganina a·gilsak gimiko niksengangaha. Samtangtango balwa namgijagipana aro rongtal-antalaniko tang·doatna aro an·seng-baljoke samtangtango dongna jotton ka·anio ia project-rang bak ong·enga.
Moonlight English Secondary School-o program-ko ong·ataha aro Ri Bhoi Deputy Commissioner Dr Abhishek Saini, Umling C&RD Block Development Officer Eric Kevin Dkhar, District Rural Development Agency Director Raja Brahma, Meghalaya State Pollution Control Board-oni aro Public Works Department-oni official-rang baksana gipin sorkari department-rangoni dilgiparangba dongpaaha.
Byrnihat Circle-ni ning·o dongenggipa dam 20 songrangoni songni dilgiparang, jolni manderang aro skulni chatro chatrirangba program-o dongpaaha.
Deputy Commissioner aro Umling C&RD Block Development Officer-ni office-rangna aganangaha, NCAP-ni ning·o project-rangko name kam ka·na jotton ka·enganina aro Ministry of Environment, Forest and Climate Change-ni gita ma·mong sorkarini a·bachengatgipako chu·sokatenganina tom·bagipa mande jinmana Sohtun de·mittele aganangaha.
Garirangko name dake jakkalchina aro on·gipa bosturangko daito ra·china ua songni manderangko mol·molangaha, uamang name dake jakkala ong·ode songni aro apalgipa community-na namgni ong·gen ine ua agandapangaha.
Batanggimin bilsirango Byrnihat a·gilsak gimiko balwa namgijagiparangoni damsa ong·engako Sohtun , Saini aro Dkhar aganangaha, rongtal-antalaniko name dake rakkichina aro sorkari mangmang samtangtango dongenggipa chel·chakna man·jawa ine agangaha.
A·tangtangni nok jamrangko rongtal-antale rakkichina songdonggipa sakantini daito ong·a ine uamang aganangaha, a·dok gimiko samtangtango dongenggiparangko namdapatna aro balwa namgijagipako rongtalatna kam ka·anio sakantian bakrimna nangako aganangaha.